हरि आचार्य कपिलवस्तु, असार २६
लायन्स क्लव अफ कपिलवस्तु, लायन्स क्लव अफ कपिलवस्तु दिदीबहिनी र लियो क्लव अफ कपिलवस्तुको संयुक्त आयोजनामा वृक्षरोपण गरिएको छ । धार्मिक एवम् पवित्र स्थल मनकामना गुरुकुल कैलाश आश्रम नन्दनगरमा धार्मिक विरुवाहरु रोपिएको हो ।
सामाजिक र मानवीय कार्यमा सक्रिय बन्दै आएका यी क्लवहरुले पर्यावरणको संरक्षण गर्ने उद्देश्यले धार्मिक विरुवाहरु श्रीखण्ड, रक्तचन्दन र रुद्राक्षका विरुवाहरु रोपिएको लायन्स क्लवका अध्यक्ष तथा हर्ट विट एफ.एम.का अध्यक्ष धातानन्द भुसालले जानकारी दिए ।
कार्यक्रमका अध्यक्ष धातानन्द भुसालले लोकानन्द स्वामिबाट प्रकृति र संस्कृतिको संरक्षणमा लाग्न जोड दिंदै पवित्र र धार्मिक स्थलमा धार्मिक वृक्षरोपण गर्न गर्व महशुस भएको बताए । अध्यक्ष भुसालले मानवीयसंगै धर्म, संस्कृतिको संरक्षण गरि समाजलाई सहि दिशा तर्फ लैजाने हामी सबैको रहेको बताए । उनले कार्यक्रम सफल पार्नका निम्ति खट्ने आयोजम ३ वटै क्लव, अतिथि, गुरुकुलम आश्रमका संरक्षक लोकानन्द स्वामि लगायत सम्पुर्णलाई आभार व्यक्त गरे ।
त्यस्तै मनकामना गुरुकुल संरक्षण समितिका अध्यक्ष रविराज ज्ञवालीले ३ वटै क्लवले प्रकृति र संस्कृतिको संरक्षण जस्तो सह्रानिय कार्य गरेको भन्दै सम्मान पत्र प्रदान गरेका थिए ।
अध्यक्ष भुसालको अध्यक्षता, लायन्स एरियो को.चिफ कृष्ण केसीको प्रमुख आतिथ्यता, बाणगंगा नगरपालिका वडा नं. १ का वडाध्यक्ष वालकुमारी पन्त अधिकारी, वडा नंं. २ का वडाध्यक्ष विष्णु प्रसाद पौडेल, लायन्स जोन चियर पर्सन सुरेन्द्र घिमिरे, तत्वदर्शी ब्रह्मनिष्ट १ हजार ६ स्वामि विवेकानन्द लोकानन्द महाराज, गुरुकुलम विद्यालयका अध्यक्ष दयाराम न्यौपाने, हर्ट विट एफ.एम. का पुर्व अध्यक्ष कृष्ण प्रसाद भट्राई, महिला समाजसेवी ईन्दिरा भट्राई, बिमला गैरे, उषा नेपालको आतिथ्यता रहेको थियो ।
लायन्स क्लव, लायन्स क्लव दिदीबहिनी र लियो क्लव, गुरुकुलमका पदाधिकारी तथा सदस्यहरुको उपस्थिती रहेको कार्यक्रम गुरुकुलका अध्यक्ष रविराज ज्ञवालीको स्वागत तथा लायन्स क्लवका सचिव सागर घिमिरेको सञ्चालनमा सम्पन्न भएको थियो ।
