कात्तिक २
शेयरबजार परिसूचक नेप्सेले २४ सयको बिन्दुलाई छोएर पुनः फर्किएको छ ।मंगलबार कारोबार सुरु भएसँग तीव्र गतिमा ओरालो लागेको नेप्सेले २४८२ अंकमा टेवा पाएको हो । पौने दुई बजेबाट भने बजार केही सम्हालिएर पुनस् उकालो लाग्यो । समग्रमा आज नेप्से ७७।३३ अंकले घटेर २५१०।७३ अंकमा आइपुगेको छ भने सेन्सेटिभ परिसूचक पनि १३।२८ अंकले घटेर ४७१।९१ अंकमा आइपुगेको छ ।
दसैँ पछाडिको पहिलो कारोबारको दिन बजारले सकारात्मक सुधार देखाएपनि त्यसयता दुई दिन नै नकारात्मक बनेको हो । पहिलो दिन ब्याजदर घट्ने हल्ला चलेपनि दोस्रो दिन अर्थात सोमबार अधिकांश बैंकहरु ब्याजदर बढाउन युद्धस्तरमा लागेपछि भने त्यसको असर सोमबार र मंगलबारको शेयरबजारमा देखियो । जसले गर्दा लगानीकर्ताले बजार थप तल जाने अनुमान गर्दै शेयर बिक्री गर्न थाले ।
शेयर बेच्नेको संख्या बढी भएपछि स्वाभाविक रुपमा शेयर मूल्य पनि ओरालो लाग्यो । तर बजारमा खरिदकर्ताको पनि कमी भने देखिएन । घटेको बजारमा समेत ३ अर्ब ७८ करोडको कारोबार भने भएको छ । सोमबार भने २ अर्ब ९६ करोडको कारोबार भएको थियो ।
आज २ सय २१ कम्पनी ९५ लाख ७२ हजार शेयरको किनबेच भएको छ ।
आज लगानीकर्ताले बिक्रीलाई प्राथामिकतामा राख्दा पनि अधिकांश समूह राताम्मे बन्न पुगेका छन् । जसमा वित्त समूह ५।०९ प्रतिशत, जलविद्युत ४।४७ प्रतिशत, विकास बैंक ४।१४ प्रतिशतले घटेका छन् ।
यस्तै आजको कारोबारबाट अधिकांश कम्पनीको शेयरमूल्य घटेको छ । जसमा नेपाल हाइड्रो डेभलपरर्स र नेशनल हाइड्रोको ९ प्रतिशत भन्दा धेरैले शेयरमूल्य घटेको छ भने अरुण हाइड्रो,मैलुङ खोला लगायतका कम्पनीको पनि शेयरमूल्य उच्च दरमा घट्न पुगेका छन् ।
माहुली सामुदायिक लघुवित्त, मानुषी लघुवित्त र माउन्टेन इनर्जी हाइड्रोको शेयर मूल्य भने बढेको छ ।
कारोबारमा भने नबिल बैंक अगाडि छ । यो बैंकको ११ करोड १३ लाख रुपैयाँ बराबरको शेयर कारोबार भएको छ भने सँगै एनसीसीबैंकको प्रमोटर शेयर,अपी पावर कम्पनीको पनि सर्वाधिक कारोबार भएको छ ।
