काठमाडौं ।
हाबरे( रेडपाण्डा) को दुई थान छालासहित एक युवक पक्राउ परेका छन् । रुकुम पश्चिम वाफिकोट गाउँपालिका-५ का २५ वर्षीय नवराज केसीलाई काठमाडौं नयाँ बसपार्क मञ्जुश्री मार्गबाट प्रहरीले पक्राउ गरेको छ ।
महानगरीय प्रहरी वृत्त सातदोबाटोबाट खटिएको प्रहरी टोलीले आइतबार साँझ नयाँ बसपार्क मन्जुश्रीमार्गबाट उक्त छालासहित केसीलाई पक्राउ गरेको हो ।
प्रहरीका अनुसार ललितपुर महानगरपालिका-२ सानेपा हाईटमा रेडपाण्डाको छाला लुकाइराखेको भन्ने सूचना पाएपछि खटिएको प्रहरीले बुझ्दा केसी नयाँ बसपार्कमा बसेको बुझिएकोले सोही स्थानबाट पक्राउ गरी आवश्यक अनुसन्धान गरिरहेको छ ।
प्रकाशित : २०७८ फाल्गुन ९, सोमबार १३:४२
