लुदअ कपिलवस्तु, असार १०
कपिलवस्तुको वाणगंगा नगरपालिकाले सातौ नगर सभाको आयोजना गरि आर्थिक बर्ष ०७७/०७८ को बजेट सार्वजनिक गरेको छ । बुधवार सार्वजनिक गरिएको निति कार्यक्रम तथा बजेट सर्वसम्मतले पारित गरिएको हो । नगरका उप–प्रमुख चक्रपाणी अर्यालले आगामि आर्थिक बर्ष ०७७/०७८ को लागि १ अर्ब १८ करोड बढीको अनुमानित बजेट प्रस्तुत गरेका थिए ।
बजेट भाषण गर्दै उप–प्रमुख अर्यालले यो बर्ष सबैभन्दा बढी बजेट आर्थिक विकासका लागि छुट्टाएको र कार्यान्वयनमा चुनौती रहेको बताए । उनले चालु खर्च तर्फ ७३ करोड ९५ लाख, र पूजीगत खर्च तर्फ ४४ करोड ४० लाख रहेको बताए ।
आर्थिक विकास तर्फ ८७ करोड ५२ लाख रुपैया बजेट विनियोजन गरेको नगर उप प्रमुख अर्यालले बताए । त्ययस्तै सामाजिक विकास तर्फ ५६ करोड ४० लाख रुपैया विनियोजन भएको छ ।
नगरपालिकाले पूर्वाधार विकासका लागि २८ करोड ५२ लाख, वातावरण तथा विपद ब्यवस्थापन तर्फ ७५ लाख रुपैया विनियोजन गरेको छ ।
नगरसभामा नगर सभा सदस्यहरुले राखेको जिज्ञासाको जवाफ दिदै उप प्रमुख अर्यालले सबै मिलेर बजेटको कार्यान्वयनमा सहयोग गरे समृद्ध नगर बनाउन सकिने बताए ।
निति, कार्यक्रम तथा बजेट सर्वसम्मतिले पारित भएपछि पत्रकार सम्मेलन मार्फत सार्वजनिक पनि गरिएको छ । नगर प्रमुख मंगल प्रसाद थारुको अध्यक्षतामा नगर सभा सम्पन्न भएको हो ।
