लुदअ, कपिलवस्तु
राष्ट्रिय प्रजातन्त्र पार्टी (राप्रपा) कपिलवस्तुका उम्मेद्वारले आगामि संघ र प्रदेश तहको निर्वाचनको लागी मनोनयन दर्ता गराएका छन । यसैबिच प्रतिनिधिसभा १ बाट पार्टीका केन्द्रीय सदस्य धुव्र रायमाझीले उम्मेद्वारी दर्ता गराउनु भएको छ । यस क्षेत्रमा लोकप्रिय तथा युवा नेता रायमाझीले मनोायन दर्ता गराउनुभएको हो ।
उहाँले आगामी निर्वाचनमा आत्मविश्वासका साथ मनोनयन दर्ता गरेको बताउनुभयो । रायमाझीले एमाले कांग्रेस जस्ता देशका ठुला पार्टीले देश र जनताको जिवनस्तरमा कुनै परिवर्तन ल्याउन नसकेको भन्दै अब राप्रपाको पालो आएको बताउनुभयो ।
त्यस्तै १ को (क) मा भोजराज आचार्य र १ को ख मा अब्दुल्ला मुसलमान (रोशन शाह) ले उम्मेद्वारी दर्ता गराउनु भएको छ ।
त्यस्तै प्रतिनिधि सभा क्षेत्र २ मा प्रत्यक्ष सबिता शर्माले मनोनयन दर्ता गराउनु भएको छ । क्षेत्र नम्बर २ को (क) मा गीतेन्द्रमणि शुक्ला र (ख) मा दुर्गा चौहानले उम्मेद्वारी दर्ता गराउनु भएको छ ।
त्यस्तै प्रतिनिधि सभा क्षेत्र ३ मा प्रकाश रजौरियाले उम्मेद्वार दर्ता गराउनु भएको छ । ३ (क) मा कृष्ण प्रसाद पौडेल र (ख) मा जानकी प्रसाद यादवले उम्मेद्वारी दर्ता गराउनु भएको छ ।
