लुदअ कपिलवस्तु, साउन ३१
कपिलवस्तुमा फेरी कोरोना संक्रमण तीब्र रुपमा फैलिएको छ । बैशाख २५ गते भारतबाट फर्केका मायादेबी गाउपालिका अभिरावका २ जना युवामा पहिलो पटक संक्रमण देखिएको थियो । त्यस यता असार दोश्रो साता सम्म जिल्लामा कोरानो संक्रमितको संख्या बढेका थियो । असार तेश्रो साता पछि सरकारले लक्षण नदेखिएका बिरामीलाई पिसिआर परिक्षण बिना घर जान दिने नया निर्देशिका जारी गरे पछि संक्रमितको संख्या घटदै गएको थियो । साउन दोश्रो साता सम्म जिल्लामा १३ जना मात्र सकृय संक्रमित थिए ।
साउन तेश्रो साताबाट समुदायस्तरमा कोरोना अवस्था पत्ता लगाउन दु्रत परिक्षण गरिए पछि अहिले भने कोरोना संक्रमितको संख्या दिन दिनै बढदै बढेको छ । अहिले सबै भन्दा बढी सदरमुकाम तौलिहवाको समुदायस्तरमा कारोना फैलिएको छ । पान पसले, ब्यापारी, मासुपसले, स्वास्थ्यकर्मी, सुरक्षाकर्मी, शिक्षक बिद्यार्थी, बैकिङ संस्थाका कर्मचारी, गृहणी लगायत समेत संक्रमित भएका छन । तौलिहवाकी संक्रमित अन्जु शर्माले सदरमुकाम तौलिहावाको समुदायस्तरमा कोरोना फैलिए पछि सरकारले कोरोना नियन्त्रण रोकथाममा कुनै चासो नदिएको बताएकी छिन । उनले आफनो फेस बुक बालमा पौस्ट गर्दै संक्रमितको उपचारमा चासो नदिएको, रोकथाम र नियन्त्रणमा ठोस कदम नचालेको, परिक्षणमा ढिलाई गरेको गुनासो गरिन । उनले समुदायका मान्छेको असावधानी र सरकारी बेवास्ताले अब कोरोना प्रत्येक घर घर मै पूग्ने दाबी गरिन ।
सदरमुकाम तौलिहवाका जमुहार टोलका चामल ब्यापारी कृष्ण कुमार ग्प्ताको कोरोनाका कारण मृत्यु समेत भएको थियो । यसैबीच प्रदेश नम्बर ५ मा सबै भन्दा बढी संक्रमित भएको जिल्लामा ७ सुरक्षाकर्मी सहीत एकै पटक थप २८ जना कारोना संक्रमित थपिएका छन । यससंगै जिल्लामा कोराना संक्रमितको संख्या ९ सय ३५ पुगेको छ ।
जिल्ला स्वास्थ्य कार्यालय अनुसार थपिएका संक्रमितहरुमा ७ नेपाल प्रहरीका, बैकिङ सस्थाका ७ जना, ५ बिद्यार्थी, स्वास्थ्यकर्मी २ जना छन । यस्तै बस ब्यवसायी, गैर सरकारी संस्था, नरसिङ बिद्यार्थी, गैर सरकारी संस्था, गुहणी र समुदायस्तरबाट एक एक जना छन । यस्तै शुुद्धोदन गाउँपालिकाका एक जना संक्रमित समेत थपिएका छन । शुक्रवार ग्लोबल आईएमई बैकका २, मेघा बैकका एक, गुवेश्वरी फाईनान्सका एक, तिनाउ मिशन बैकका एक र कुषि विकास बैकका २ जना संक्रमित थपिएका हुन । कपिलवस्तु अस्पताल र बसन्तपुर हेल्थ पोस्टका एक एक जना स्वाथ्एकमर्की संक्रमित भएका हुन । जिल्लामा बैकिङ सस्थाका २९ र सुरक्षाकर्मी १७ जना संक्रमित भएका । तौलिहवामा रहेको कपिलस्तु अस्पतालमा मेसु सहीत दुई दर्जनमा कोरोना देखिए पछि अस्पताल बन्द गरिएको छ ।
गत साउन २५ गते बुद्धपदम मा.वि देखि सन्कलन गरिएको २ सय २६ नमुना मध्ये २६ जनाको पोजेटिभ, १ सय ५१ जनाको नेगेटिभ र ५० जनाको नतिजा आउँन बाँकी रहेको छ ।
