लुदस, कपिलवस्तु
कपिलवस्तु जिल्लामा बाणगंगा नगरपालिका कार्यसम्पादनतर्फ पहिलो पालिका बनेको छ । राष्ट्रिय प्राकृतिक स्रोत तथा वित्त आयोगले सार्वजनिक गरेको आर्थिक वर्ष २०८१र८२ को कार्यसम्पादन मूल्याङ्कनअनुसार बाणगंगाले ७४।३० अङ्क प्राप्त गर्दै जिल्लाभित्र शीर्ष स्थान हासिल गरेको हो ।
जिल्लाको दोस्रो स्थानमा महाराजगञ्ज नगरपालिका रहेको छ, जसले ६७।८० अङ्क प्राप्त गरेको छ ।
देशभरको सन्दर्भमा भने कार्यसम्पादनमा सबैभन्दा कमजोर रौतहटको देवाही गोनाही नगरपालिका देखिएको छ । उक्त नगरपालिकाले ३०।९१ अङ्क मात्र प्राप्त गरेको छ । अधिकांश मधेश प्रदेशका पालिकाहरूको कार्यसम्पादन तुलनात्मक रूपमा कमजोर देखिएको उल्लेख गरिएको छ ।
छ वटा महानगरपालिकामध्ये विराटनगर महानगरपालिका ७८।११ अङ्कसहित सबैभन्दा उत्कृष्ट देखिएको छ भने संघीय राजधानी काठमाडौँ महानगरपालिका ४४।९७ अङ्कसहित सबैभन्दा कमजोर स्थानमा परेको छ ।
ललितपुर महानगरपालिका ७६।३३ अङ्कसहित दोस्रो, भरतपुर महानगरपालिका ६८।०४ अङ्कसहित तेस्रो, पोखरा महानगरपालिका ५८।०४ अङ्कसहित चौथो र वीरगञ्ज महानगरपालिका ५४ अङ्कसहित पाँचौँ स्थानमा रहेका छन् ।
आयोगले बजेट तर्जुमा तथा कार्यान्वयन, राजस्व परिचालन, लेखापरीक्षण, शिक्षा, स्वास्थ्य र सुशासनलगायत १७ सूचकका आधारमा मूल्याङ्कन गरेको जनाएको छ ।
