लुदअ चैत १०, काठमाण्डौ
विश्वमा सबैभन्दा पहिले कोरोना भाइरस ९कोभिड १९० को सङ्क्रमण पुष्टि भएको चीनको वुहान शहरमा लगातार चार दिनदेखि नयाँ व्यक्तिमा सङ्क्रमण नभेटिएको चिनियाँ स्वास्थ्य अधिकारीले बताएका छन् ।
विश्वभर प्रकोपका रूपमा फैलिइरहेको कोरोना भाइरस सङ्क्रमितको सङ्ख्या अन्य देशमा फैलिरहे पनि चीनमा भने नियन्त्रणतिर गइरहेको छ । वुहानमा नयाँ सङ्क्रमण नदेखिएसँगै त्यहाँका उद्योग तथा कलकारखाना खुल्न थालेका छन् ।
चीनको राष्ट्रिय स्वास्थ्य आयोगका अधिकारी मी फङले पत्रकार सम्मेलन गर्दै वुहानको जनजीवन बिस्तारै सामान्य बन्दै गएको बताए ।
वुहानमा नयाँ सङ्क्रमित नदेखिए पनि चीनका अरु ठाउँमा ३९ जना नयाँ बिरामी भेटिएका छन् । अहिलेसम्म चीनमा कोरोना भाइरसबाट ८१ हजार ९३ जना सङ्क्रमित भएका छन् भने तीन हजार दुई सय ७० जनाको ज्यान गएको छ । यस्तै ७२ हजार सात सय तीन जना उपचारपछि निको भएका छन् ।
कोरोनाका कारण विश्वमा अहिलेसम्म तीन लाख ४९ हजार ९ सय ८० जना सङ्क्रमित भएका छन् । यसमध्ये एक लाख बढी उपचारपछि निको भएका छन् भने १५ हजार तीन सय ६ जनाको ज्यान गएको छ । दुई लाख ३४ हजार तनि सय २९ जनाको उपचार भइरहेको छ ।
