पुर्णचन्द्र परियार
वन संरक्षण, व्यवस्थापन तथा विकासमा योगदान पुर्‍याउने उत्कृष्ट व्यक्ति तथा वन उपभोक्ता समूहलाई विभिन्न विधामा राष्ट्रिय वन पुरस्कार प्रदान गरिएको छ ।

सामुदायिक वन दिवसका अवसरमा काठमाडौँ स्थित राष्ट्रिय प्रकृति संरक्षण कोषमा आयोजित राष्ट्रिय पुरस्कार तथा प्रमाणपत्र वितरण कार्यक्रममा कृषि, वन तथा पर्यावरण मन्त्री गिता चौधरीले उत्कृष्ट व्यक्ति तथा वन उपभोक्ता समूहलाई नगदसहित सम्मानपत्र हस्तान्तरण गरेका हुन् ।साझेदारीतर्फ कपिलवस्तुको मायादेवी साझेदारी वन उपभोक्ता समूह तृतीय भएको छ ।गणेशमान सिंह सामुदायिक वन राष्ट्रिय पुरस्कारतर्फ कपिलवस्तुको वाणगङ्गा नगरपालिका–९ स्थित कोइलीचौर साना किसान सामुदायिक वन उपभोक्ता समूह पुरस्कृत भएका हुन् ।
कै वर्ष कपिलवस्तुका दुईवटा वन समुहले राष्ट्रिय स्तरको पुरस्कार पाउन सफल भएका हुन्
कपिलवस्तुका यी वन लुम्बिनी प्रदेश वन मन्त्रालयमा सिफारिस भएका थिए । त्यहाँबाट पनि प्रदेशभरका अन्य सामुदायिक वनभन्दा उत्कृष्ट हुँदै वन तथा भू–संरक्षण विभागमा प्रदेशबाट सिफारिस भई देशभरबाट छनोटमा विभागमा पुगेका वनहरु मध्ये उत्कृष्ट लिष्टमा पर्न सफल भएको बताए । बनका अध्यक्ष कुन्तामणी भुषालले वन समुहका सबै कार्यसमिति, सल्लाहकार तथा उपभोक्ताहरुको सक्रियताको प्रतिफल प्राप्त भएको बताए । सव डिभिजन र डिभिजन वन कार्यालय तथा वन प्राविधिकहरुसँगको समन्वय र सामुदायिक वन उपभोक्ता समुहले वर्षभर गर्ने विविध कार्यसूचकहरुको सहि कार्यान्वन नै कोइलीचौर साना किसान सामुदायिक वनको सफलता रहेको बताए ।
कोइली चौर सामुदायिक वन उपभोक्ता समूहले वन संवर्धन प्रणालीमार्फत वैज्ञानिक वन व्यवस्थापन, खोल्साखोल्सी संरक्षण, प्राकृतिक पुनरुत्पादन प्रवर्धन, जैविक विविधताको संरक्षण तथा बिजयसालको काठबाट गिलास उत्पादनजस्ता नव प्रवर्तनात्मक काम गर्दै आएको छ ।
वन संरक्षण, जैविक विविधताको संवद्र्धन र स्थानीय समुदायको सक्रिय सहभागितामार्फत प्राकृतिक सम्पदाको दिगो व्यवस्थापनमा सामुदायिक वन अब्बल देखिएको छ ।