कमला सापकोटा कपिलवस्तु फाल्गुण २५
सर्वाङ्गिण स्वास्थ्य हाम्रो लक्ष्य, गतिशिल बिकासमा वडा अध्यक्ष भन्ने मूल नाराका साथ वाणगंगा ९ मा भलवाड स्वास्थ्य चौकी भवनको उद्घाटन गरिएको छ । वाणगंगा नगरपालिकाको ४२ लाखको लागतमा वनेको नव निर्मित भवनको प्रदेश साँसद विष्णु पन्थीले शिलालेखलाई अनावरण गरी उद्घाटन गरेका हुन् ।
कार्यक्रमका प्रमुख अतिथी पन्थीले आगामी दिनमा भलवाडवासीले सुलभ रुपमा स्वास्थ्य सेवा पाउने अपेक्षा व्यक्त गरे । उनले भलवाड आधुनिक भलवाड बन्ने र बिकास सँगसँगै जनताको स्वास्थ्य माथि उठाउन सकेमा मात्र बिकासको सार्थकता हुने बताए । पन्थीले राज्यले स्वास्थ्यमा लगानी गरे अनुरुप लक्षय प्राप्त गर्न नसकेको भन्दै प्रदेशबाट बर्थिङ्ग सेन्टर र एम्वुलेन्स सेवा पनि संचालन गर्ने बताए ।
उपप्रमुख चक्र पाणि अर्यालले अधुरो भलवाड स्वास्थ्य चौकी भवनलाई नगरले सम्पन्न गरेको नगरपालिका भित्र रहेका पिपरा अस्पताल, पटना स्वास्थ्य चौकी, हथौसा, कोपवा, मोतिपुर र भलवाड स्वास्थ्य चौकीमा बर्थिङ्ग सेन्टरको लागि नगरको निति तथा कार्यक्रममा राखि वजेट विनियोजन गरेको साथै भलवाड स्वास्थ्य चौकीमा बर्थिङ्ग सेन्टरको साथसाथै ल्याब पनि सञ्चालन गर्ने नगरको योजना रहेको वताए ।
प्रमुख प्रशासकिय अधिबृत चुरामणि पन्थीले राज्यले प्रदान गर्ने गरेको औषधी नगरका सबै स्वास्थ्य चौकीका प्रयाप्त मात्रामा रहेको र नगरमा औषधी अभाव हुन नदिने वताए ।
त्यस्तै लुम्बिनी प्रादेशिक अस्पताल बुटवलका मेडिकल सुपरिटेण्डेन डाक्टर राजेन्द्र खनालले प्रदेश न.५ को प्रादेशिक अस्पताल बुटवलमा सेवाग्राहीको अत्यधिक चाप वढेकोले अस्पताललाई प्रदेश सरकारले अरपतालको गुरुयोजना बनाई १२ शैया वेडको सुविधा सम्पन्न अस्पताल निर्माण हुन लागेको बताए ।
कार्यक्रममा स्वास्थ्य संस्थामा अनवरत रुपमा निरन्तर कार्य गर्दै आएका महिला स्वास्थ्य स्वयमसेविका, भवन निर्माण उपभोक्ता समितिका अध्यक्षहरु रोम बहादुर खत्री,मित्रलाल पौडेल, समाजसेवी कुमार मधु वेल्वासे, हरिराज घिमिरेलाई संस्थाले सम्मान गरेको थियो । कार्यक्रमका अध्यक्ष एवम् वडा न.९ का वडाध्यक्ष धुर्व वेल्वासेले २०५० सालमा उप स्वास्थ्य चौकीबाट स्तररोन्ती भइ स्वास्थ्य चौकी हुँदै हाल आफ्नो भवनबाट सेवा प्रदान गरेकोमा भलवाड नगरबाट भौगौलिक बिकटताबाट टाढा भएपनि बिकासले क्रमशः गति लिन लागेको वताए ।
कार्यक्रममा भलवाड स्वास्थ्य चौकीका प्रमुख जित बिकास रायमाझीले स्वास्थ्य संस्थाको संक्षिप्त प्रतिवेदन प्रस्तुत गरेका थिए । साथै वाणगंगा नगर नगर कार्यपालिकाको आयोजना तथा लुम्बिनी प्रादेशिक अस्पताल बुटवलको पा्रविधिक सहयोगमा भएको १ दिवशिय महिला रोग सम्वन्धी विशेषज्ञ स्वास्थ्य शिविरमा १शय ८५ जनाले सेवा लिएको भलवाड स्वास्थ्य चौकीले जनाएको छ ।
