मानव अधिकार तथा शान्ति समाज कपिलवस्तुले शनिवार बृहत रक्तदान कार्यक्रम आयोजना गर्दै

[sharethis-inline-buttons]

हरि आचार्य कपिलवस्तु, मंसिर २६
मानव अधिकार तथा शान्ति समाज कपिलवस्तुले यहि मंसिर २७ गते (भोलि) शनिवार बृहत रक्तदान कार्यक्रम आयोजना गर्ने भएको छ । मानव अधिकार, शान्ति, लोकतन्त्र र अहिंसा भन्ने मुल नाराका साथ विभिन्न मानवीय सेवा तथा सामाजिक कार्य गर्दै आईरहेको मानव अधिकार तथा शान्ति समाज कपिलवस्तुले देशैभर रगतको अभाव भईरहेको समस्यालाई मध्यनजर गर्दै बृहत रक्तदान कार्यक्रमको आयोजना गरेको संस्थाका सभापति गोबिन्दराज पोख्रेलले जानकारी दिए ।

सि एण्ड सि अस्पतालमा पत्रकार सम्मेलनको आयोजना गरी कार्यक्रमको तयारी करिव पुरा भएको जानकारी गराईएको छ । पत्रकार सम्मेलनमा पत्रकारका जिज्ञासा मेटाउदै सभापति पोख्रेलले ७२ औँ अन्तराष्ट्रिय मानव अधिकार दिवसको अवसर पारेर रक्त दान जीवनदान भन्ने मुल नाराका साथ संस्थाले सो कार्यक्रमको आयोजना गरेको बताए ।

उनले यस क्षेत्रका थुप्रै संघ संस्थाहरुसंग सहकार्य गर्दै बिहान ९ बजेदेखि बृहत रक्तदान कार्यक्रमको आयोजना गरिएकाले यस विशुद्ध मानवीय कार्यक्रमा सहभागी भई रक्तदान गर्न सम्पुर्णलाई आग्रह समेत गरेका छन् ।

रक्तदान कार्यक्रममा सि एण्ड सि असपताल, ब्लड बैंक बुटवलले प्राविधिक सहयोग गर्नेछन् ।

संस्थाका सभापति पोख्रेलको अध्यक्षता, संस्थाका प्रेस संयोजक सागर बेल्बासे, क्रियाशिल सञ्चारकर्मी लगायतको उपस्थिती रहेको पत्रकार सम्मेलन संस्थाका सदस्य माधव घिमिरेको सञ्चालनमा सम्पन्न भएको हो ।


प्रकाशित : २०७७ मंसिर २६, शुक्रबार ०४:०६