थानेश्वर अधिकारी कपिलवस्तु, चैत १
जिल्ला घरेलु तथा साना उद्योग कार्यालय तौलिहवा कपिलवस्तुको सहयोग तथा सिद्धार्थ सामाजिक विकास केन्द्रको आयोजनामा संचालित गरिवी निवारणका लागी लघु उद्यम विकास कार्यक्रम अन्र्तगत आज देखी बाणगंगा नगरपालिका वार्ड नं ८ वोडगाउँमा ३ महिने व्युटिपार्लर र सिलाइ कटाई तालिमको शुभारम्भ भएको छ ।
कपिलवस्तु जिल्लाका सबै स्थानिय तहमा संचालित सो कार्यक्रमबाट छनौटमा परेका उद्यमीहरुलाई ३ चरणमा गरी ८ दिने उद्यमशिलता विकास तालिम संचालन गरी व्यवसाय छनौटका आधारमा सो तालिम संचालन गर्न लागिएको उद्यम विकास सहजकर्ता यज्ञ बहादुर चन्दले जानकारी दिएका छन् ।
बाणगंगा नगरपालिकामा लामो अवधी, मध्यम अवधी र छोटो अवधीका सिलाई कटाई, व्युटिपार्लर, डल कुशन, झोला बुन्ने तालिम, टुना टपरी, बाख्रा पालन र तरकारी खेतीको माग आएको छ ।
यसै सन्दर्भमा तालिम उद्घाटन समारोहमा बोल्दै नगर स्तरीय उद्यम विकास समितिका संयोजक तथा बाणगंगा नगरपालिका वार्ड नं ८ का अध्यक्ष गुणनिधि भुसालले कार्यक्रम लक्षित बर्गका लागी अति उपयोगी रहेको र छनौटमा परेका व्यक्तिहरुलाई उद्यमी बनाइ उनीहरुलाई जिविकोपार्जनमा सहयोग पुग्ने बताएका छन् । साथै कार्यक्रमलाई परिणाममुखी बनाउन आग्रह गरेका छन् । कार्यक्रममा नगर कार्यपालिका सदस्य तथा वार्ड नं ८ का महिला वडा सदस्य गीता भुसालले कार्यक्रमले सीप विकासको माध्यमबाट उत्पादनमा जोड दिइ आत्म निर्भर बनाउन सहयोग गर्ने बताएकी छन् ।
कार्यक्रम नगर स्तरीय उद्यम विकास समिति का संयोजक तथा बाणगंगा नगरपािलका वार्ड नं ८ का वडाध्यक्ष गुणनिधि भुसालको अध्यक्षता, बाणगंगा नगर कार्यपालिका सदस्य गीता भुसालको , आथित्यतामा र कार्यक्रम संयोजक थानेश्वर अधिकारीको सहजीकरण रहेको सो तालिममा २० जनाको सहभागिता रहेको छ ।
