साताको अन्तिम दिन बिहिबार शेयर बजार मापक नेप्से परिसूचकमा १८।२४ अंकले गिरावट आएको छ ।
आज कारोबारमा आएका २२९ कम्पनीको ३ करोड १० लाख कित्ता सेयर २० अर्ब ४९ करोड ९२ लाख रुपैयाँमा किनबेच भएको छ । यसरी कारोबार रकमसमेत घटेको छ । बुधबार २१ अर्ब ३१ करोड ३४ लाख ८९ हजार २६९ रुपैयाँमा कारोबार भएको छ । आज ६१ कम्पनीको मात्रै मूल्य बढेको छ भने अन्य बाँकी सबै कम्पनीको शेयर मूल्य घटेको छ।
अधिकांश उपसमूह रातो भएपनि जीवन र निर्जीवन बीमा समूहमा आएको उल्लासले शेयर बजार भने धेरै तल आउन पाएन। जीवन बीमा समूह ४६८ अंक र निर्जीवन बीमा समूह ४५७ अंकले बढेको छ। लघुवित्त समूह ५० र अन्य समूह ३४ अंकले बढेपनि अरु समूहमा उल्लेख्य बृद्धि भएको छ ।
सबैभन्दा बढी घट्ने समूहमा विकास बैंक समूह १६२ अंक र जलविद्युत समूह १२३ अंकले घटेका छन्। फाइनान्स समूह ७३, व्यापार समूह ३० र बैंकिङ समूह पनि २० अंकले घटेको छ।
बिहीबार जीवन विकास लघुवित्तको सेयर मूल्य १० प्रतिशतले बढेपनि अन्य कम्पनीहरुको भने सर्किट लेभलमा पुगेर कारोबार भएको छैन।रिडी हाइड्रोपावरको ८ प्रतिशत, साना किसान विकास बैंकको ७ प्रतिशत र सिइडिबी हाइड्रोपावरको सेयर मूल्य ६ प्रतिशतले बढेको छ।एचआइडिसीएल, खानीखोला हाइड्रोपावर र पञ्चकन्या माइ हाइड्रोको सेयर मूल्य १० प्रतिशतले घटेको छ। ङादी गु्रप र माउनटेन हाइड्रोको सेयर मूल्य ८्८ प्रतिशतले घटेको छ।
अरुण काबेली पावर र अरुण भ्याली हाइड्रोपावरको १्१ अर्ब माथिको शेयर कारोबार भएको छ। अरुण काबेली र अरुण भ्यालीको समान एक अर्ब १६ करोड रुपैयाँको, नेशनल हाइड्रोपावरको ८३ करोड, रिडी हाइड्रोपावरको ५८ करोड र एचआइडिसीएलको ४८ करोड रुपैयाँको सेयर किनबेच भएको छ।
