काठमाडौं ,कात्तिक २२
आज सेयर बजार परिसूचक नेप्सेमा दोहोरो अंकको गिरावट भएको छ । सोमबार बजार परिसूचक नेप्से १९।२० अंकले घटेर २८२९।६४ अंकमा झरेको छ ।
सोमबार बजार परिसूचकसँगै कारोबार रकम पनि घटेको छ ।
नेप्सेमा आज ७१ लाख ९२ हजार २९२ कित्ता सेयर किनबेच हुँदा ४ अर्ब ४० करोड ५६ लाख ३९ हजार बराबरको कारोबार भएको छ ।
नेप्सेमा गिरावट हुँदा पनि आज वित्त कम्पनी, लगानी र म्युचुअल फन्ड उपसूचक भने बढेको छ । वित्त कम्पनी उपसूचक ०।७८ प्रतिशत, लगानी उपसूचक ०।६७ प्रतिशत र म्युचुअल फन्ड उपसूचक ०।५१ प्रतिशतले बढेको छ ।
यता, बजारलाई लिड गर्ने बैंकिङ उपसूचकमा १।०५ प्रतिशतको गिरावट हुँदा विकास बैंक उपसूचक सवार्धिक १।२४ प्रतिशत र अन्य उपसूचक १।१६ प्रतिशतले घटेको छ । यस्तै निर्जीवन बिमा उपसूचक पनि १।०५ प्रतिशतले घटेको छ ।
आज नेप्सेमा कुल १८७ कम्पनीको सेयर कारोबारमा आउँदा १४२ कम्पनीको सेयरमूल्य घटेको छ भने ४२ कम्पनीको मूल्य बढेको छ ।
यस्तै ३ कम्पनीको सेयरमूल्य भने स्थिर रहेको छ । आज कारोबारमा आएका मध्ये आईसीएफसी फाइनान्स, साहस उर्जा, तेह्रथुम पावर र मानुषी लघुवित्तको सेयरमूल्य बढेर सर्किट लेभलमा बन्द भएको छ । आईसीएफसी फाइनान्स बाहेकको ३ वटै कम्पनी हालै मात्रै सार्वजनिक निकाष्नन भएर नेप्सेमा सूचिकृत भएका हुन् । यस्तै महालक्ष्मी विकास बैंकको पनि सेयरमूल्य ९।८४ प्रतिशतले बढेको छ ।
सबैभन्दा धेरै घट्नेमा भने सपोर्ट माइक्रोफाइनान्स छ । कम्पनीको सेयरमूल्य ७।९६ प्रतिशतले घट्दा पाँचथर पावर कम्पनीको सेयमूल्य ४।९५ प्रतिशत, कातिका पावरको सेयरमूल्य ४।७० प्रतिशत, हिमालयन उर्जा विकास कम्पनीको सेयरमूल्य ४।३० प्रतिशत र जोशी हाइड्रोपावरको सेयरमुल्य ४।२८ प्रतिशतले घटेको छ ।
आज नेप्सेमा महालक्ष्मी विकास बैंकले कारोबार रकममा लिड गरेको छ । पछिल्लो केही दिन यता लगातार सेयरमूल्य बढिरहेको बैंकमा लगानीकर्ताले नाफा बुक गर्दा उच्च रकमको कारोबार भएको हो ।
बैंकको ५२ करोडको सेयर कारोबार हुँदा नबिल ३० करोड, आईसीएफसी फाइनान्सको २४ करोड, नेशनल आइड्रोपावरको १५ करोड र युनाइटेड मोदी हाइड्रोपावरको १४ करोडको कारोबार भएको छ ।
