तिलोत्तमा १० पुस
रुपन्देहीको तिलोत्तमा नगरपालिका– ९ का वडाध्यक्ष नारायण न्यौपानेले जन्मदिनको अवसरमा स्थानीय गौतमबुद्ध माविलाई १ लाख रुपैयाँ प्रदान गरेका छन् भने विद्यार्थीहरुलाई शैक्षिक सामग्री र जुत्ता वितरण गरेका छन् ।
न्यौपानेले विद्यालयमा बस सञ्चालनका लागि व्यक्तिगत तर्फबाट एक लाख रुपैयांँ दिए भने कक्षा १ देखि ६ कक्षासम्मका १०३ जना विद्यार्थीलाई कापी कलमलगायत शैक्षिक सामग्री र जुत्ता वितरण गरेका छन् ।
‘जन्मदिनमा खानपान र रमाइलो गरेर फजुल खर्च गर्नुभन्दा सामाजिक काम गरौं भनेर विद्यार्थी र विद्यालयलाई सहयोग गरँे’ वडाध्यक्ष न्यौपानेले भने, ‘यसअघि पनि आफूले पाउने तलब भत्ता पनि नलिई विद्यालयका निजी स्रोतका शिक्षकको तलबमा खर्च गर्दै आएको छु ।’
प्रकाशित : २०७८ पुष १०, शनिबार १८:३६
