काठमाडौं ।
ओमानमा जारी आईसीसी टी-२० विश्वकप ग्लोबल क्वालिफायर अन्तर्गत नेपालले आज समूह चरणको अन्तिम खेल क्यानडासँग खेल्दैछ ।
खेल मस्कटस्थित अल अमरेत क्रिकेट मैदानमा नेपाली समय अनुसार अपराह्न ३:४५ बजे सुरु हुनेछ । यसअघि दुई खेल जितिसकेको नेपालले क्यानडालाई पराजित गरेमा समूह विजेता बन्दै सेमिफाइनल पुग्नेछ ।
नेपालले पहिलो खेलमा घरेलु टोली ओमानलाई ३९ रनले र फिलिपिन्सलाई १३६ रनले पराजित गरेको थियो ।
नेपाल ४ अंक जोडेर शीर्ष स्थानमा छ भने क्यानडा र ओमान समान २ अंक जोड्दै दोस्रो र तेस्रो स्थानमा छन् ।
यदि नेपाल क्यानडासँग पराजित भएमा र ओमानले फिलिपिन्सलाई हराएमा तीन टोलीको समान अंक हुनेछ र त्यसमा नेट रनरेट निर्णायक बन्नेछ ।
आजै अर्को खेलमा ओमानले फिलिपिन्ससँग खेल्दैछ ।
प्रकाशित : २०७८ फाल्गुन ९, सोमबार १५:३६
