चालु आर्थिक वर्षको पहिलो सात महिनामा विभिन्न देशबाट करिव ३७ अर्बको धान तथा चामल आयात भएको छ । भन्सार विभागका अनुसार उक्त धान तथा चामल २०७८ साउन देखि फागुन मसान्तसम्मको अवधिमा भित्रिएको छ ।
सो अवधिमा कूल ३६ अर्ब ७६ करोड ५१ लख १९ हजार रुपैयाँको धान तथा चामल नेपालमा आयात भएको विभागले बताए । भन्सार विभागको तथ्याङ्क अनुसार पछिल्लो आठ महिनामा नेपालले २२ अर्ब ७५ करोड ७९ लाख ९४ हजार रुपैयाँको चमाल आयात गरेको छ । सो मूल्यमा ४३ करोड ४१ लाख ३२ हजार ३२२ केजी चामल नेपालमा आयात भएको छ ।
सोही अवधिमा विभिन्न देशबाट १४ अर्ब ७७ लाख ६३ हजार रुपैयाँको धान नेपालमा आयात गरेको छ । सो मूल्यमा ४७ करोड ७३ लाख ११ हजार ९८२ केजी धान नेपाल भित्रिएको भन्सार विभागले बताए । नेपालमा धान तथा चामल भारत, चनि दक्षिणकोरिया, ताइवान थाइल्याण्ड , इन्डोनेसिया ,जापान अमेरिक, इटाली, बेलायत भियतनाम र अष्टेलीया बाट भित्रने गरेको छ । भारतबाट धान मात्र १३ अर्ब ९७ करोड ५५ लाख ८८ हजार रुपैयाँको नेपाल भित्रिएको छ । यस्तै सोही समयमा २२ अर्ब ५७ करोड ४७ लाख ५२ हजार रुपैयाँ चामल भारतबाट नेपालले आयात गरेको देखिन्छ । पछिल्लो आठ महिनामा अमेरिकाबाट १७ करोड ५८ लाख ७३ हजार रुपैयाँको चामल नेपालमा आयात छ ।