बितेको साढे दूई वर्षको अवधिमा विभिन्न देशबाट नेपालमा ७० करोड ८४ लाख रुपैयाँको तास आयात भएको छ । भन्सार विभागको अनुसार आर्थिक वर्ष २०७६÷७७ देखि २०७८÷७९ को फागुन मसान्तसम्मको अवधिमा उक्त मूल्य बराबरको तास नेपाल भित्रिएको छ । चालु आर्थिक वर्ष २०७८÷७९ को पहिलो आठ महिनामा मात्र नेपालले १८ करोड ६६ लाख ४३ हजार रुपैयाँको तास आयात गरेको विभागले बताए । सो मूल्यमा ९४ लाख २ हजार १०७ प्याकेट तास अयात भएको छ । ती तास आयात गर्दा सरकारले ९ करोड ८२ लाख ७५ हजार रुपैयाँ राजस्व प्राप्त गरेको छ । नेपालमा चीन फ्रान्स , हंगेरी ,भारत र अमेरिका बाट तास आउने गरेको छ । १७ करोड १८ लाख ६८ हजार रुपैयाँमा ७७ लाख ७१ हजार १३४ प्याकेट तास नेपाल आएको छ । सोही समयमा भारतबाट १ करोड ४७ लाख ७१ हजार रुपैयाँमा १६ लाख ३० हजार ९२१ प्याकेट तास नेपाल आयात भएको छ । विभागका अनुसार आर्थिक वर्ष २०७७÷७८ मा २८ करोड ६२लाख ६४ हजार रुपैयाँको तास नेपालले आयात गरेको छ । यस वर्ष चीनबाट मात्र २६ करोड ३२ लाख ४ हजार रुपैयाँको तास नेपालमा आएको थियो । आर्थिक वर्ष २०७६÷७७ मा २३ करोड ५४ लाख ९३ हजार रुपैयाको १ करोड ३२ लाख ६७ हजार ६२२ प्याकेट तास नेपाल भित्रिएको विभागले बताए । आर्थिक वर्ष २०७५÷७६ मा निकै कम तास नेपाल आयात भएको थियो । उक्त वर्ष २५ हजार रुपैयाँको तास मात्र नेपाल आयात भएको छ । त्यसपछिका वर्षहरुमा भने तास ठूलो मात्रामा नेपाल भित्रदै आएको विभागको तथ्याङ्कले देखाउँछ । भन्सारको तथ्याङ्कले वर्षेनी करोडौ रुपैया तास आयात गर्दा विदेशीने गरेको देखाएको छ ।
जुवातासकै कारणले नेपालमा वर्षेनी सयौंजना पक्राउ पर्ने गरेका छन् । प्रहरीले जुवातास खेलेको आरोपमा उनीहरुलाई पक्राउ गर्ने गरेको छ । पछिल्ला वर्ष वर्षेनी तीन हजार भन्दा बढी व्यक्तिहरु जुवातास खेलिरहेको अवस्थामा पक्राउ पर्ने गरेको प्रहरीले जनाएको छ । नेपाल प्रहरीका अनुसार आर्थिक वर्ष२०७५ ÷७६ मा २८६९, २०७६÷७७ मा ३ हजार ५८४ र २०७७÷७८ मा ३ हजार ४५६ जना व्यक्ति जुवातास खेलेको आरोपमा पक्राउ गरेका थिय । अर्थात पछिल्लो तीन आर्थिक वर्षमा जुवातास खेलेको आरेपमा प्रहरीले ९ हजार ९०९ जनलाई पक्राउ गरेको छ । पक्राउ पर्ने मध्ये ३३१ जना महिला रहेको छन् ।