भैरहवा। भैरहवामा रोट्रयाक्ट क्लव अफ कोटिहवाले बृहत निशुल्क स्वास्थ्य शिविर सम्पन्न भएको छ।भैरहवामा रोट्रयाक्ट क्लव अफ कोटिहवाको आयोजनामा र सिद्धार्थनगर सिटि हस्पिटल प्रा।लिको सहकार्यमा स्वास्थ्य शिविर भएको हो। शिविरमा सिटि हस्पिटलका जनरल फिजिसियन, हाड जोर्नी तथा नशा, बाल रोग, नाक कान घाँटि, छाला तथा गुप्त रोग, मृगौला रोग बिशेषज्ञ डाक्टरद्वारा स्वास्थ्य परीक्षण गरिएको थियो।
शिविर उद्घाटन गर्दै सिटि हस्पिटलका अध्यक्ष एवं मृगौला रोग बिशेषज्ञ डा। सुवोधकुमार पाण्डेले समय समयमा स्वास्थ्य परीक्षण गर्न सबैलाई आग्रह गरे। उनले बेलैमा रोग पत्ता लगाउन सके उपचार छिटो र सहज हुने भएकाले नियमित स्वास्थ्य परीक्षण गर्नुपर्ने बताए। उनले रोग लागेर उपचार गर्न जाने आम प्रचलनलाई तोड्दै सके ६÷६ महिना नभए एक÷एक बर्षमा नियमित रुपमा स्वास्थ्य जाँच गराएर ढुक्क हुन आग्रह गरे। उनले स्वस्थ रहनका लागि खानपानमा ध्यान दिनका साथै योगा तथा व्यायममा समेत ध्यान दिन आग्रह गरे।
स्वास्थ्य शिविरमा २५० बढीले स्वाथ्य परिक्षण गराएको क्लवका अध्यक्ष पुजन बस्यालले बताए। शिबिरमा बालबालिका देखि बृद्धबृद्धासम्मले स्वास्थ्य परिक्षण गराएका थिए।
