असार २५, काठमाडौं ।नेपाल पछिल्लो २४ घण्टामा थप १०२ जनालाई कोरोना भाइरस (कोभिड–१९० को संक्रमण पुष्टि भएको छ ।परीक्षण गर्दा पिसीआर विधीबाट १५३९ जनामा परीक्षण गर्दा ७२ जना र एन्टिजेन विधीबाट १ हजार जनामा परीक्षण गर्दा ३० गरी कुल १ सय २ जनामा कोरोना भाईरस संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार देशभरमा २६१५ नमुना परीक्षण गर्दा उनीहरुमा संक्रमण पुष्टि भएको हो । यससँगै देशभर संक्रिय संक्रमितको संख्या ६०५ पुगेको छ ।आज एकैपटक ३१ जना सङ्क्रमणमुक्त भएसँगै सक्रिय सङ्क्रमितको सङ्ख्या ६ सय ५ पुगेको छ । पछिल्लो २४ घण्टामा कोरोनाको कारण कसैको मृत्यु भएको छैन भने थप ४३ हजार ५ सय ३४ जनाले कोरोना विरुद्धको खोप लगाएको स्वास्थ्य तथा जनसङ्ख्या मन्त्रालयले जनाएको छ ।
प्रकाशित : २०७९ असार २५, शनिबार १७:३७
