सियारी

रुपन्देहीको सियारीगाउँपालिकामा कार्यलय सहयोगिको रुपमा काम गर्ने दुर्गा मल्लहा नाम गरेकी कर्मचारी गत साउन १० गते मंगलबार सोही गाउँपालिकाकि उप(प्रमुख तारा चौधरीको घरमा काम गरेको अवस्थामा फेला परेकी छिन । विशेष सुचनाको आधारमा रुपन्देहीको  संचार कर्मीहरु उप(प्रमुखको घरमा जादा सियारी गाउँपालिकाकि कर्मचारी कार्यलय समयमै उप(प्रमुखको घरको घरायसी काम गरेको अवस्थामा भेटिएकि छिन।
सरकारी कार्यलयका कर्मचारीलाई कार्यलयको कामको लागि बाहेक अन्य कुनै पनि काममा पठाउने प्रावधान छैन । तर, आफ्नो पदको दुरुपयोग गर्दै उप(प्रमुखले कार्यलयमा कार्यरत कर्मचारीलाई कार्यलय बाट तलब दिएर आफ्नो घरको काम गर्न खटाईएको पाइएको छ ।
संचार कर्मीहरुको टिम उप(प्रमुखको घरमा जादा उप(प्रमुखका श्रीमानले उल्टै पत्रकारलाई अनाव सनाव भन्दै जे गर्न सक्छौ गर भन्दै थर्काउनु भएको छ ।
दुर्गा मल्लहा सियारी गाउँपालिकामा बिगत एक बर्ष देखि दैनिक ज्यालादारीमा काम गर्दै आएकी छ्न । उनको कार्यलयमा काम गर्ने समय बिहान १० बजे देखि साँझ ५ बजे सम्म रहेको छ । तर उनी उक्त दिन दिउसै कार्यलय बाट उप(प्रमुखको घरमा गएर काम गरेको पाईएको छ । उनी सङ सोधपुछ गर्दा मेरो ब्यक्तिगत काम परेर मईले कार्यलय बाट छुट्टी लिएर घर आएको भनेर भन्छिन तर भोलि पल्ट संचार कर्मीहरुको टिमले सियारी गाउँपालिकाको अनलाईन हाजिरी हेर्दा उन्ले ९दुर्गा मल्लहाले छुट्टि नलिएको र उनी दिउस उप(प्रमुखको घरको काम सकेर साँझ १७-५४ मिनेट जादा कार्यलयमा आएर हाजिरी गरेको पाइएको छ ।