संजय प्रसाद चालीसे बुटवल
थारु समुदायको चाडको शुरुवातको रुपमा लिइने गुरही (गुढ्ढीन सेरुवायना) पर्व देशभर मनाईएको छ । नागपञ्चमीकै दिन पर्ने यस पर्वलाई थारु समुदायले देशभर मनाएका छन यसै गरि बुटवल उपमहानगरपालिका वडा न १६ नरैनापुर थारु आमा समुहले पनि यस पर्वलाई धुमधामका साथ मनाएकाछन् । थारु समुदायमा ‘गुरही’ गुढ्ढीन सेरुवायना मनाउनुको अर्थ, नाग देवतालाई पुजागर्दा विषालु सर्प घरमा नआउने, घरमा चट्याङ नपर्ने, आगलागी नहुने, दुःखको बज्रपात नपर्ने, रोगव्याधी र महामारी घरमा प्रवेश नगर्ने विश्वास गरिन्छ । नागदेवतालाई घरको द्वारमा टाँसेर पूजागर्नुको आशय दुःख, कष्ट र रोगव्याधीलाई नागदेवताले घरमा प्रवेशबाट रोकून् भन्ने हो ।
गुरहीकै दिनदेखि वर्षायाम अन्त्य भई हिउँद शुरुभएको मानिन्छ । तर थारु समाजमा यो पर्वलाई फरक किसिमले लिने गरिन्छ । खेतीपातीको काम भ्याएर सबैजना घरमा फुर्सदिलो भएकाबेला आउने यो पर्व पर्दछ । यसलाई नागपञ्चमीको रुपमा पनि मनाइन्छ । थारु समाजमा ‘गुरही, गुर्या’ भनेर मनाइने यस पर्वलाई नेपाली समाजले नागपञ्चमी भनेर मनाउँछ । नागपञ्चमीमा विशेषगरी नेपालीहरु नागदेवताको पूजा–अर्चना गर्छन् भने थारु समाजमा ‘गुरही’(गुढ्ढीन सेरुवायना) पूजा हुन्छ । थारु समाजमा पनि ठाउँअनुसार ‘गुरही’ गुढ्ढीन (सेरुवायना पर्व) फरक फरक ढंगले मनाइन्छ।
बुटवल १६ मा नरैनापुर आमा समुह द्वारा आयोजना गरिएको कार्यक्रम आमा समुहकि अध्यक्ष पर्मेश्वोरि थारुको अध्यक्षतामा बुटवल वडा न १६का वडा अध्यक्ष कृष्ण प्रसाद पौडेलको प्रमुख आतिथ्यमा, बुटवल नगर कार्यपालिका सदस्य तथा वडा न १६कि वडा सदस्य बसन्ति बि.क, यसै वडाका वडा सदस्य बिष्णु देवि गैरे सापकोटा, सोमनाथ ढंगोरीया,कुम बहादुर मर्चाह, गरि नरैनापुर टोल बिकास संस्थाका अध्यक्ष पुने प्रसाद चौधरी ,डिउहार टोल बिकास संस्था बुटवल १६का अध्यक्ष सन्जय प्रसाद चालिसे,नरेस्वर टोल बिकास संस्थाका अध्यक्ष दिपक चालिसे, नरैनापुर बोलबम धाम मन्दिर व्यवस्थापन समितिका अध्यक्ष पुर्ण प्रसाद पौडेल लगायतको उपस्थिति रहेकोथियो कार्यक्रममा बोल्दै कार्यक्रमका प्रमुख अतिथि पौडेलले यस प्रकारका कार्यक्रमलाई निरंतरता दिन आघ्रह समेत गर्नुभयो,लामो समय पछी यस्तो संस्कृति झल्कने हाम्रो यस छेत्रमा भएकोले धेरै खुशी लागेको बताउदै,अब यसलाई निरंतरता दिन वडाले सक्दो सहयोग गर्ने समेत भन्नु भयो, कार्यक्रममा शुभकामना मन्तव्य नरेस्वर बोलबम धाम मन्दिरका अध्यक्ष पुर्ण प्रसाद पौडेलले दिनु भएको थियो भने कार्यक्रमको संचालन मन्दिरका सचिव तुल बहादुर चौधरीले गर्नु भएको थियो।
