असोज १८ देवदह ।
रुपन्देही जिल्लास्तरीय न्यायीक सञ्जालको दोश्रो बैठक देवदहमा सम्पन्न भएको छ । सञ्जालका अध्यक्ष तथा बुटवल उपमहानगरका उपप्रमुख सावित्रादेवी अर्यालको अध्यक्षता र जिल्ला समन्वय समिति रुपन्देहीका प्रमुख उमाकान्त चपाईको प्रमुख आतिथ्यतामा उक्त बैठक सम्पन्न भएको हो ।
न्याय सम्पादनमा एकरुपता ल्याउनको लागि रुपन्देहीका १६ वटा पालिकाका न्यायिक समितिका संयोजकहरुले सञ्जाल गठन गरेको हो । सो अवसरमा बोल्दै प्रमुख चपाईले रुपन्देहीमा मुद्दा मिलाई दिन्छु भनेर पैसामा बाग्रेनिङ्ग हुने गरेको आफुले थापा पाएको हुदा न्यायीक समितिका संयोजकहरु सचेत हुनु पर्नेे बताउनु भयो । उहाले न्यायको काम सम्पादन गरीरहदा निर्दोष अन्यायमा नपर्ने गरी कार्य सम्पादन गर्न आग्रह गर्नु भयो । प्रमुख चपाईले सञ्जालको माध्यमबाट न्याय सम्पादन गर्ने क्रममा हुने समस्या समाधान गर्न एकतावद्ध भएर लाग्नु पर्नेमा जोड दिनु भयो । सोही अवसरमा बोल्दै देवदह नगरपालिका प्रमुख धु्रवप्रसाद खरेलले संविधानले उपप्रमुखहरुलाई ठूलो जिम्मेवारी प्रदान गरेकोले न्याय सम्पादन गर्दा निष्पक्ष भएर काम गर्नुपर्ने बताउनु भयो । उहाले न्याय सम्पादनमा चुनौती रहेको बताउदै नागरिकको समस्याको वारेमा सामुहिक छलफल गर्न आवश्यक रहेको औल्याउनु भयो ।
यसैगरी रुपन्देहीका प्रमुख जिल्ला अधिकारी गणेश अर्यालले विवाद व्यवस्थापनमा न्यायीक समितिको महत्वपूर्ण भूमिका रहेको बताउनु भयो । उहाले फैसलाको पाटोबाट भन्दा सहमतिको आधारमा विवाद समाधान गर्नुपर्नेमा जोड दिनु भयो । उहाले औपचारिक कानुनी प्रक्रियाले समाजमा सुधार ल्याउन नसकेको अवस्थामा संविधानले न्याधिशको जिम्मेवारी उपप्रमुखहरुलाई दिएको बताउनु भयो ।
बैठकमा न्यायीक समितिले गरेको कामको रिर्पोटिङ्ग गर्दै न्यायीक समितिका संयोजकहरुले पालिका प्रमुखहरुले हस्तक्षेप गर्दा न्याय सम्पादन गर्दा समस्या आउने गरेको बताएका थिए । उनीहरुले मेलमिलापको माध्यमबाट न्यायीक समितिमा परेको मुद्दा फस्र्यौट गर्ने गरेको बताउदै महिलाहरुको नेतृत्वमा रहको न्यायीक समितिलाई विश्वास नगरेको अवस्था रहेको बताएका थिए ।
तिलोत्तमा नगरपालिकाका उपप्रमुख जागेश्वरीदेवी चौधरीको स्वागत र देवदह नगरपालिकाका उपप्रमुख विद्यालक्ष्मी गुरुङ्गको संचालनमा कार्यक्रम सम्पन्न भएको थियो ।
