लुदस,जितपुर ।
राष्ट्रिय संगीतकर्मी संघ कपिलवस्तुको अध्यक्ष बिमल गैरे निर्वाचित भएका छन् । आज बाणगंगामा सम्पन्न संघको तेस्रो अधिवेशन तथा छैठौं साधारण सभा बाट गैरेको अध्यक्षतामा १५ सदस्यीय नयाँ कार्यसमिति चयन भएको हो ।
जसको प्रथम उपाध्यक्षमा सशिन्द्र सापकोटा, द्वितिय उपाध्यक्षमा उदय पोख्रेल, महिला उपाध्यक्षमा रिता खनाल, सचिवमा बबिता गिरी, कोसाध्यक्षमा राजन थापा, सहसचिवमा कृष्ण पोख्रेल, सहकोसाध्यक्षमा सुजाता क्षेत्री र प्रवक्तामा जनकराज पौडेल र बाकी सदस्यमा निर्वाचित भएका छन्।
कार्यक्रममा बोल्दै प्रमुख अतिथि राष्ट्रिय संगीतकर्मी संघका केन्द्रिय उपमहासचिव जिवन परियारले संस्थाको आसन्न महाधिवेशनलाई लक्षित गर्दे अहिले अवधी पुगेका सबै जिल्ला तथा प्रदेशको अधिवेशन भैरहेको बताए । कार्यक्रमका बिशिष्ट अतिथि राष्ट्रिय संगीतकर्मी संघका केन्द्रिय सचिव थानेश्वर अधिकारीले संस्थाको उद्देश्य र गरेका कामहरुको बारेमा बताए । सचिव अधिकारीले नवनिर्वाचित कार्यसमितिलाई बधाई दिदै संस्थालाई कृयाशिल र सशक्त रुपमा अगाडी बढाउन सबैजना सक्रिय भएर लाग्नका लागी आग्रह गरेका छन् ।
कार्यक्रममा राष्ट्रिय संगीतकर्मी संघका केन्द्रिय सदस्य दिनेश रञ्जन , राष्ट्रिय संगीतकर्मी संघ लुम्बिनी प्रदेश अध्यक्ष पुर्णचन्द्र परियार, राष्ट्रिय लोक तथा दोहोरीगीत प्रतिष्ठान कपिलवस्तुका अध्यक्ष शारदा खनाल सचिव अशिम कंडेल क्षेत्री लगायतको उपस्थिती रहेको थियो । अधिवेशनमा का.वा. सचिव उदय पोख्रेल र सहकोषाध्यक्ष रिता खनालद्धारा प्रस्तुत प्रगती तथा आर्थिक प्रतिवेदन सर्वसहमतीबाट पारित गरिएको छ ।
निर्वाचित भएपछि बोल्दै नवनिर्वाचित अध्यक्ष गैरेले कलाकर्मीहरुलाई एकताबद्ध गर्दै कला र संस्कृतिको जगेर्ना गर्नु तर्फ नै आफु केन्द्रित भएर काम गर्ने प्रतिबद्धता जाहेर गरेका छन् । कार्यक्रम बिमल गैरेको अध्यक्षता रिता खनालको स्वागत र प्रवक्ता लेखनाथ घिमिरेको संचालनमा सम्पन्न भएको थियो ।
