लुदस, जीतपुर
कपिलवस्तुको बाणगंगामा यहि मंसिर २१ गतेदेखि पुस १ गतेसम्म आयोजना हुने भएको १४ औं कपिलवस्तु महोत्सवले विभिन्न संन्देश सहितको १३ बुंदे लक्ष्य र उदेश्य लिएको बताईएको छ ।
महोत्सवको १४ औँ संस्करण बाणगंगा वेयलफेयर सोसाईटीले आयोजना गर्ने भएको हो । बाणगंगा वेलफेयर सोसाइटीको आयोजनामा युवा स्वरोजगारको बलियो आधार, उद्योग पर्यटन र कृषि क्षेत्रको प्रचार प्रसार प्रवद्र्धनमा प्रोत्सान’ भन्ने मुल नाराका साथ चार नम्बर जितपुर स्थित बुद्ध रंगशालामा आयोजना हुने महोत्वसवको उद्देश्य र तयारी बारे बुधबार पत्रकार सम्मेलन मार्फत वेयलफेयरले जानकारी गराएको हो ।
आगामी महोत्सव विगत भन्दा पृथक भव्य र विकासमुलक बनाउन विभिन्न क्षेत्रको कला, संस्कृति जर्गेना, कृषि पर्यटन र व्यवसायीक प्रर्वद्धन सहितका १३ बँुदे उदेश्य राखेको आयोजक बाणगंगा वेयलफेयर सोसाईटिका महासचिव दिनेश क्षेत्रीले बताएका थिए ।
उनले प्रतिवेदनमा रहेको विषयलाई उल्लेख गर्दै उद्यमशिलता व्यवसायिक तथा कृषि क्षेत्रको प्रर्वद्धन, कृयाशिल लघु , मझौला तथा ठुला उद्योगहरुको प्रचार प्रसार, यस क्षेत्रका धार्मिक पर्यटकिय क्षेत्रको प्रर्वद्धन, लक्ष्मणघाटमा रहेको शव दाह स्थल व्यवस्थापनमा सहयोग गर्ने लगाएतका उदेश्यहरु प्रस्तुत गरेका थिए ।
महोत्सव सवैको साझा भएको हुदाँ सवैको अपनत्वहुने गरि व्यवस्थापन सहित जिल्लाको पहिचान बोकेको महोत्सव बनाउन सवैले हातेमालो गर्नुपर्ने बताएका वेलफेयर सोसाईटीका अध्यक्ष एवं महोत्सवका संयोजक राज कुमार खाँणले जानकारी दिए । महोत्वसमा यस क्षेत्रका विभिन्न उत्पादनहरुको प्रर्दशनी तथा कृषि र पर्यटनको प्रर्वद्धनका लागि विभिन्न स्टलहरु महोत्सवमा राखिने छ ।
पत्रकार सम्मेलनमा कपिलवस्तु उद्योग वाणिज्य संघका अध्यक्ष डोलकराम घिमिरेले अहिले आर्थिक मन्दिका कारण व्यवसायीहरुमा परेको असरलाई कसरी सहज अवस्थामा ल्याउन सकिन्छ भन्नेमा पनि यस पटकको महोत्वसव केन्द्रित रहने बताएका थिए ।
पत्रकार सम्मेलनमा पूर्व अध्यक्ष विष्णु प्रसाद न्यौपाने, कपिलवस्तु उद्योग वाणिज्य संघका निवर्तमान अध्यक्ष उमानाथ पौडेल, वेलफेयरका सल्लाहकार वडा नम्बर ४ का पूर्व अध्यक्ष गणेशबहादुर क्षेत्री, युवा समाजसेवी शक्तिसिँह ठकुरी , नेपाल पत्रकार महासंघका उपाध्यक्ष हरि अधिकारी लगाएतले आ-आफ्ना धारणा राखेका थिए ।
गत वर्ष कपिलवस्तु उद्योग वाणिज्य संघले आयोजना गरेको कपिलवस्तु महोत्सव यसपटक बाणगंगा वेयलफेयर सोसाइटीले आयोजना गर्न लागेको हो । महोत्सवमा अघिल्ला वर्षहरुमा जस्तै केही प्रर्दशनीका स्टलहरुसँगै व्यवसायिक स्टलहरु राखिने जनाइएको छ ।
विगतका भन्दा केही पृथक र महोत्सव, पर्यटन, कृषिसँँगै व्यवसायको प्रवद्र्धनमा टेवा पुग्ने गरी बनाउन विभिन्न कृयाकलापहरु हुने र त्यसका लागि तयारी गरिएको खाँणले बताए ।
सो अवसरमा मिडियाकर्मीहरुले विभिन्न जिग्यासा समेत राखेका थिए ।
