हेल्पर केयरिङ सर्कलको आयोजनमा शैक्षिक सामाग्री वितरण कार्यक्रम सम्पन्न भएको छ ।
यस संस्थाको सल्लाहकार गणेश पौडेलको प्रमुख अतिथ्यमा बिस्वास घिमिरेको अध्यक्षतामा सम्पन्न कार्यक्रम बुटवल ११ ,न्यु दुर्गानगर मा श्री मायादेवी जनजागृति आधारभुत बिधालयमा कार्यक्रम सम्पन्न गरिएको छ । यस कार्यक्रममा बोल्दै अध्यक्ष बिस्वास घिमिरेले सबैले हातेमालो गर्दै अघि बढ्नुपर्ने र क्लबले सुरुको समयदेखि नै राम्रा कार्य गर्दै आईरहेको र क्लबको उचाईलाई थप माथी पुर्याउन सबैको साथ र सहयोगको आवहान गरेका छन्। आगामी दिन पनि क्लबले यस स्कुललाई सहयोग गर्नेछौँ भन्दै क्लवले आगामी कार्यक्रमहरुमा आश्रममा सहयोग गर्ने,सचेतनामूलक कार्यक्रम गर्ने र सामाजिक काम गर्ने विभिन्न लक्ष्य रहेको बताए ।
त्यस्तैगरी प्रमुख अतिथि क्लबका सल्लाहकार पौडेलले युवाहरुको सक्रियतामा राम्रा सामाजिक कार्यमा सधैं साथ रहने र समाजका किशोर- किशोरीको हकहितमा काम गर्ने भन्दै आगामी दिनमा राम्रा खालका सामाजिक कार्य गर्न आग्रह गरे ।
विद्यालयका अध्यक्ष नेत्रलाल राना कार्यक्रममा बोल्दै बिद्यालयमा आएर कार्यक्रम गरेकोमा आयोजकलाई धन्यवाद दिदैँ आगामी दिन पनि हजुरले हामीलाई सहयोग गर्नुहुन्छ भने अपेक्षा राख्दै सस्थालाई आग्रह गरेका थिए ।
