भैरहवा, २६ पुस ।
लायन्स क्लब अफ भैरहवा ग्रीनसिटिको आयोजनामा बुधबार देखि भैरहवामा निःशुल्क मधुमेह (सुगर) परीक्षण शिविर सुरु भएको छ । लायन्सका संस्थापक मेल्भिन जोन्सको १४५ औं जन्मोत्सवको अवसर पारेर शिविर सञ्चालन गरिएको लायन्स भैरहवा ग्रीन्सिटिका कोसा अध्यक्ष हेमन्त जोसिले बताएका छन् । कार्यक्रम संयोजक अनुप बर्माले शिविर २८ गते सम्म बिहान देखि साझ सम्म सस्थापक मेल्बिन्स जोन्सको जन्म्दिनसम्म सञ्चालन हुने जानकारी दिए ।
सिद्धार्थनगर नगरपालिका–१३ बैक रोड रास्ट्रबैक अगाडी (भैरहवा) स्थित गुड हेल्थ फार्मेसीको सहयोगमा सहयोग शिविर सञ्चालन हुने क्लबका अध्यक्ष मनोज क्षेत्रीले बताए । गुड हेल्थ फार्मेसीमा शिविर सञ्चालन गरिएको साज ५बजे सम्म झन्दै ५०० जनाले सेवा लिएको क्लबकी सदस्य शोभा गुरुङले जानकारी दिइन् ।
शिविरको उद्घाटन गर्दै लायन्स इन्टरनेशनल डिष्ट्रिक ३२५ पी, नेपालका एरिया–५ का एरिया चिफ सतिश कुमार कौशल (दीपक) ले सामाजिक क्षेत्रमा भैरहवा ग्रीन सिटि सदैब अगाडि रहेको विभिन्न रचनात्मक कार्यक्रम गर्दै आएको बताए ।
कार्यक्रममा लायन्स इन्टरनेशनल डिष्ट्रिक ३२५ पी, नेपालका जोन चेयरपर्सन गोविन्द प्रसाद गिरीले पछिल्लो समय मधुमेहका बिरामी बढ्दै गएकोले जसरी भिजनको क्षेत्रमा एक शताब्दी लायन्सले लागानी गरेको र अबको दिनमा मधुमेहले विकराल तथा भयावह अवस्था ल्याउन सक्ने अवस्थालाई मध्यनजर गर्दै ग्रामीण क्षेत्रमा पनि पुगेर जनचेतनामूलक कार्यक्रम गरिने बताए । उनले क्लबले गर्ने कार्यक्रममा सक्दो सहयोग गर्ने प्रतिवद्धता व्यक्त गरे ।
शिविरको उद्घाटन कार्यक्रममा लायन्स क्लब अफ भैरहवा ग्रीनका मनोज क्षेत्री, अनुप बर्मा, सचिव सन्जय कुमार गुप्ता, क्लबकी सदस्य कोपिला खत्री, अमृता गुरुङ, कपिल चापागाईं, अनिल थापा पत्रकार प्रतीक पौडेल लगायतले बोलेका थिए ।
