हथौसा मेलामा खुलेआम जुवाखालको अखडा, मेलाको ऐतिहासिक महत्व संकटमा
लुदस,जीतपुर
वषौदेखि परम्परागत रुपमा बाणगंगा-११ हथौसामा लाग्दै आएको हथौसा मेला पछिल्लो समय जुवा खालको अखडा बन्दै गएको छ । कपिलवस्तुको बाणगंगा-११ हथौसामा हरेक वर्ष शिवरात्रीको अवसरमा लाग्दै आएको मेलामा तीन दिन देखि खुलेआम जुवा खालको अड्डा बनाइएको छ ।
हथौसा मेलाको व्यानरमा भने आयोजक बाणगंगा ११ हथौसा स्थित हेमराज मा.वि. भनेर लेखिए पनि हेमराज मा.वि.ले मेला ठेक्कामा दिनका लागि कोटेशन नै आह्वान गरेको थियो । व्यानरमा हेमराज मा.वि.लाई आयोजक भनेर उल्लेख गर्ने तर ठेक्का दिनु आफैमा आश्चर्यको विषय बनेको छ ।
विगतमा हेमराज मा.वि.को प्राङ्गणमा लाग्दै आएको मेला केही वर्षदेखि कौवाघाटमा लाग्दै आएको छ । धार्मिक हिसावले विशेष र महत्व रहेको मेलामा विकृति मौलाएको प्रति स्थानियले चिन्ता व्यक्त समेत गरेका छन् ।
स्थानीय एक वृद्धले भने विद्यालयमा पढ्ने छोराले कपडा किन्छु भनेर १ हजार मागेर लग्यो, छोराले कपडा किन्न भनेर मागेपछि दिए तर छोरो जुवा खालमा गएर १ हजार हारेर पो आएछ । ती अभिभावकले भने आफ्नो छोराले जस्तै धेरैले जुवा खालमा गएर पैसा हारेको बताए ।
जुवा खालमा विद्यायमा पढ्ने बालबालिकाहरु बढी खेल्न लालायित हुने गरेका छन् । ती जुवा खालहरुमा भाग्य परीक्षा गर्नुहोस् भन्दै बालबालिकाहरुलाई झुक्काउने गरिएको छ । यता सुरक्षामा खटिएका सुरक्षाकर्मीको टोलीलाई समेत जुवा खालमा मिलेमतो गरेको आरोप लागेको छ ।
ईलाका प्रहरी कार्यालय पिपरा बाट यादव न्यौपानेको नेतृत्वमा प्रहरी टोली सुरक्षमा खटिएको छ । शसस्त्रको पनी उपस्थिती छ तर यस खालको लुटेरा प्रवृद्धि भने प्रहरीकै संरक्षणमा भैरहेको छ । आजै जिल्ला प्रहरी कार्यालयका प्रहरी उपरिक्षक नवरत्न पौडेल मेला स्थलमा पुग्दा समेत जुवा रोकिएन ।
हेमराज मा.वि.का प्रध्यानाध्यापक तुलसीराम यादव तीन दिनदेखि जुवाखालमा रमिते बन्ने गरेका छन् । परम्परागत रूपमा लाग्ने ऐतिहासिक मेला व्यापारिक मेलामा रूपान्तरित भएको भन्दै चिन्ता व्यक्त गरेका छन् ।
मेलामा एक व्यापारीले भने यहाँ व्यापार भएन भने व्यापारीले तिर्ने कसरी ? विद्यालयले नै ठेक्का दिएपछि ठेक्का लिएकाहरुले कमाउनु नै पर्यो मार त हामी जस्ता व्यापारीलाई हो नि । विद्यालयले १२ लाख हथौसा मेलाको ठेक्का दिएको बताइएको छ ।
विद्यालय आयोजक , प्रहरी संरक्षक , विद्यार्थी जुवा खेलाडी
विद्यालय आयोजक रहेको मेलामा सुरक्षा र मर्यादित बनाउनका लागि खटिएका प्रहरी नै संरक्षक भएको पाईएको छ । त्यतिमात्र होईन १६ वर्ष मुनिका बालक , अर्थात विद्यार्थीले खोरखोरे खेलाएका थिए ।
भिडियोमा हेर्नुस…..
सो मेलामा सवैभन्दा लुटने खेल हो स्ट्राईगर नजरअन्दाज सो खेलमा ठुलो गिरोह रहेको छ । खेलमा दर्शकलाई आर्कषण गर्न आफ्नै टोली खेल्ने र रकम परेको देखाउने दर्शक खेल्दा चाँही लुटने र सवै पैसा स्वहा पार्ने खेल हो त्यो । सोही खेलमा सिउटी घर बताउने कृष्ण थारु १० हजार हारेको सुनाए । पर्ने देखाएर खेले पछी पैसा रित्तिएपछी थाहा पाए आफ्नै गृपका खेलेझै गरेर छक्काउदो रहेछन् ।
के गर्ने ५ हजार आफ्नो र ५ हजार साथीसंग सापटी गरेर लिएको पैसा बर्वाद भयो । उता खोरखोरे लगाएत १ दर्जन बढी खेल चलिरहेका थिए भने साईकल जित्ने नाउमा चिठ्ठामा समेत मेलामा पुगेकाहरु लुटिएका थिए । साईकल पर्ने प्रलोभन देखाएर ५० रुपैयामा १० रुपैयाको सामान पारेर एक गिरोहले लुटिरहेका छन् । त्यसमा वालवालिका र महिलाहरु सिकार बनेका छन् । साईकल देखाउनकै लागि राखिएको जानकारहरु बताउछन् ।
यसरी खुलेयाम लुटिदा समेत नियमनकारी निकाय झनै प्रोत्साहनमा लाग्नु र शिक्षाको चेतना भर्ने विद्यालय वालवालिका लाई नै गलत संस्कारमा रुपान्तरणमा टेवा दिनु आफैमा गम्भिर विषय बनेको छ ।
