हरि आचार्य, कपिलवस्तु
कपिलवस्तुको जितपुर–उप्टहवा–नन्दनगर सडकखण्ड जोड्ने सडकखण्डको नालि निर्माणमा ठेकेदार कम्पनीले गम्भिर लापरवाही गरेको पाईएको छ । लुम्बिनी प्रदेश सहरी विकास मन्त्रालयको बस्ती विकास कार्यक्रम अनुसार जितपुर–उप्टहवा–नन्दनगर सडकखण्ड जोड्ने सडकखण्डको नालि निर्माण भएको करिव २ महिनामै चिरा चिरा परि स्थानीयको घरगोठमा बर्षायाममा लेदो सहितको पानी पसेको छ ।
आर्थिक बर्ष २०८०/८१ मा विनियोजित रु.१८ लाख बाट नालि तथा ग्रावेल ७५ मिटर दुरीमा काम गर्नुपर्नेमा ठेकेदार कम्पनीको लापरवाहीले स्थानीयलाई सास्ती भएको छ । ठेक्का पाएको थ्रि स्टार कन्ट्रक्सनले गुणस्तरिय काम नगर्दा बर्षायाम सुरु भएसंगै नालीबाट पानी पास हुनुपर्नेमा चिरा चिराबाट स्थानीयको घरगोठमा लेदो सहितको पानी पसेको जितपुरका स्थानीयले बताएका छन् ।
नाली निर्माण भएसंगै पानीको निकास भई सहज हुन्छ भन्ने अपेक्षा गरेको तर विकासमा ठेकदार कम्पनीले गुणस्तरिय काम नगर्दा उल्टै नालीबाट लेदो सहितको पानी गोठमा छिर्दा पशुचौपाया र घरसमेत जोखिममा परेको जितपुरका स्थानीय किरण घिमिरेले गुनासो गर्नुभयो ।
बलराम पौडेल संचालक रहेको थ्रि स्टार कन्ट्रक्सनले निर्माण गरेको नालिको वाल पनि बिचबाट चर्किएको छ भने पानी बग्ने ठाउँबाट पनि चिरा चिरा परेकोले स्थानीयको घर गोठ भासिने समस्या समेत देखिएको पाइएको छ ।
यस बिषयमा थ्रि स्टार कन्ट्रक्सनका संचालक बलराम पौडेललाई सम्पर्क गर्न खोज्दा सम्पर्क भएको छैन ।
यस्तो छ अवस्था
