लुदस, कोपवा
कपिलवस्तु जेसीजको स्थापना दिवसको अवसरमा आज कोपवामा रक्तदान कार्यक्रम संम्पन्न भएको छ ।
जेसीजको २४ औं स्थापना दिवसको अवसरमा रक्तदान गरिएको हो । रक्तदानमा उल्लेख्य युवाको उत्साह रहेको छ ।
कपिलवस्तु जेसीज वर्ष २०२४ का उपाध्यक्ष जेसी राजन अर्यालको संयोजकत्वमा संम्पन्न कार्यक्रमा ४४ पोईन्ट रगत संकलन भएको जेसीज उपाध्यक्ष मदन अर्यालले जानकारी दिएका हुन् ।
कार्यक्रममा बोल्दै कार्यक्रमका प्रमुख अतिथि बाणगंगा नगरपालिका ५ का वडाध्यक्ष एवं जेसीजका मानार्थ सदस्य दुनिका प्रसाद भुषाल, जेसीजका पुर्व स.कोषाध्यक्ष, विष्णु बेल्वासे कोपवा स्वास्थ्य चौकी का प्रमुख जीवन खनाल लगाएतले बोल्दै ग्रामिण भेगमा जेसीजले रक्तदान कार्यक्रम राखेर महत्वपुणर् योगदान पुर्याएको बताए ।
जेसीजका अध्यक्ष प्रविण पौडेलले मानवताको सेवामा जेसीजले कोरोनाकाल,विभिन्न समस्या अप्ठारोहरुमा निरन्तर काम गर्दै आएको र आगामी दिनमा पनी निरन्तरता दिने बताए । कार्यक्रम जेसीजका महासचिव जनकराज बेल्वासेको संचालनमा संम्पन्न भएको थियो ।
