लुदस,जितपुर । कलाकारहरुको संस्था राष्ट्रिय लोक तथा दोहोरी गीत प्रतिष्ठान नेपाल कपिलवस्तुको कार्यालय उद्घाटन गरिएको छ । राष्ट्रिय लोक तथा दोहोरीगीत प्रतिष्ठान नेपालकी केन्द्रिय अध्यक्ष रिता थापा मगरले शनिबार चारनम्बरमा रहेको कार्यालयको एक भब्य कार्यक्रमका बिच उद्घाटन गर्नुभएको हो ।
कार्यक्रममा बोल्दै अध्यक्ष थापाले राष्ट्रिय लोक तथा दोहोरी गीत प्रतिष्ठान सबै कलाकारहरुको साझा संस्था रहेको बताउनु भएको छ । संस्थाले अग्रजहरुको सम्मान तथा अनुजहरुलाई प्रोत्साहन गर्दे अगाडी बढिरहेको अध्यक्ष थापाले बताउनु भयो । कपिलवस्तु प्रतिष्ठानले जिल्लामा छोटो समयमै लोक तथा दोहोरी गीतको क्षेत्र उत्कृष्ट कार्य गरेको भन्दै प्रशंसा समेत गर्नुभयो ।
त्यस्तै राष्ट्रिय लोक तथा दोहोरीगित प्रतिष्ठान कपिलवस्तुका अध्यक्ष असिम कडेल क्षेत्रीले छोटो समयमै तय भएको कार्यक्रममा केन्द्र देखि जिल्ला तह सम्मका पदाधिकारीहरुले महत्वपुर्ण सहयोग गरेको भन्दै सम्पुर्ण प्रति धन्यवाद दिनुभयो । उहाँले प्रतिष्ठान केन्द्रले कलाकारहरुलाई संस्थागत विकासका लागी प्रशिक्षणको व्यवस्था व्यवस्था गरिदिन आग्रह गर्नुभयो ।
कार्यक्रममा राष्ट्रिय लोक तथा दोहोरी गित प्रतिष्ठान केन्द्रिय उपाध्यक्ष पुष्कल शर्मा, केन्द्रिय सल्लाहकार खिम बहादुर हमाल, केन्द्रिय उप–महासचिव शिरिष देवकोटा, केन्द्रिय सचिव दिपक गरौजा, लुम्बिनी प्रदेश सचिव योगराज पोखरेल, प्रदेश सदस्य शिब खनाल, कपिलवस्तु जिल्लाका संस्थापक अध्यक्ष पूर्ण चन्द्र परियार, पूर्व अध्यक्ष थानेश्वर अधिकारी, निर्वतमान अध्यक्ष शारदा खनाल, नवलपरासी जिल्ला अध्यक्ष रमेश पराजुली, नवलपरासी पूर्व अध्यक्ष भरत क्षेत्री, जिल्लाका आजिवन सदस्य, जिल्ला पदाधिकारी, सञ्चारकर्मी लगायतको उपस्थिती रहेको थियो । जिल्ला अध्यक्ष असिम कडेल क्षेत्रीको अध्यक्षतामा भएको कार्यक्रमको सञ्चालन सचिव भक्तिराम घिमिरेले गर्नुएको थियो ।
