पुर्णचन्द्र परियार, बाणगंगा,
बाणगंगा नगरपालिका–८ स्थित मायादेवी रंगशालामा जारी प्रथम कपिलवस्तु व्यापार मेला एवं कृषि, पर्यटन तथा औद्योगिक प्रदर्शनी–२०८२ अन्तर्गत आजका लागि विशेष आकर्षण सहितको कार्यक्रम सार्वजनिक गरिएको छ।
मेला आयोजक उद्योग व्यापार संघ, कपिलवस्तुका अनुसार शनिबारको प्रमुख प्रस्तुति लोकप्रिय गायक–गायिकाहरू, हास्यकलाकार, डान्स स्टार तथा सांस्कृतिक झाँकी रहनेछ ।
कार्यक्रममा गायक श्याम राना, गायिका अस्मिता डल्लाकोटी, गायिका सम्झना राणापाल तथा चर्चित हास्यकलाकार
विष्णु जि पाण्डे (माईलाबा)ले प्रस्तुति दिनेछन्।
मेलामा सिंहदरबारको झल्को दिने सचिवालय, जलपरी शो र फिस टनेल विशेष आकर्षणका रूपमा राखिएको छ । हरेक दिन रु. १०० को टिकट खरीद गर्ने दर्शकहरूलाई बीचमा लक्की ड्र मार्फत उपहार जित्ने अवसर पनि प्रदान गरिएको छ।
जसका लागि पर्यटन प्रवर्द्धन र स्वस्थ जीवनशैली प्रोत्साहनका लागि साइकल स्ट्यान्ड व्यवस्था गरिएको आयोजकले जनाएको छ।
उद्योग व्यापार संघ कपिलवस्तुका अनुसार मंसिर ५ देखि १७ गतेसम्म चल्ने यो व्यापार मेलाले स्थानीय उत्पादन, कृषि, पर्यटन, उद्योग तथा सांस्कृतिक पहिचानलाई एकै मञ्चमा ल्याई कपिलवस्तुको आर्थिक र सामाजिक विकासमा महत्वपूर्ण योगदान पुर्याउने विश्वास लिइएको छ।
