आनन्दवन शंकरनगर खानेपानी उपभोक्ता तथा सरसफाई संस्था तिलोतमा १ ड्राईभरटोल को २२ औ साधारण सभा सम्पन्न भएको छ।
कार्यक्रमको उद्घाटन गर्दै प्रमुख अतिथि राष्टिय सभा सदस्य गोपाल प्रसाद भट्टराईले सुरक्षित र स्वच्छ खानेपानी सबैलाई आवश्यक रहेको भन्दै सबै नागरिकलाई यसको पहुँचमा ल्याउनु पर्ने आग्रह गर्नु भयो ।
खानेपानी विस्तारमा धेरै समस्या रहेको बताउँदै हरेक किसिमका निर्णयमा सधै उपभोक्तालाई प्राथमिकता दिनुपर्ने उहाको भनाई रहेको छ । भट्टराइले खानेपानीको विषय सरसफाइमा जोडिएको विषय भएकोले यसलाई पनि विशेष ध्यान दिन आवश्यक रहेको बताउनु भयो
। कार्यक्रममा शुभकामना मन्तव्य व्यक्त गर्दै तिलोत्तमाका नगर प्रमुख राम कृष्ण खाणले स्वच्छ खानेपानी खान पाउनु नागरिकको अधिकार भएको र खानेपानी वितरण गर्दा आर्थिक स्थिति कमजोर भएका नागरिकलाई विशेष ध्यान दिनुपर्ने बताउनु भयो।
तीन तहका सरकार र हरेक संघसंस्थालाई पारदर्शी बनाउन आवश्यक रहेको बताउँदै धेरै खानेपानी संस्था स्थापित गर्नुभन्दा हरेक किसिमले व्यवस्थापन गर्न जरूरी भएको बताउनु भयो ।
अब हरेक क्षेत्रबाट तिलोत्तमा नगरलाई अझ उत्कृष्ट बनाउन अबको दुई बर्ष भित्रमा नगरवासि सबैको घरमा स्वाच्छ खानेपानि को धारा जडान गरि नगरवासिलाइ स्वच्छ खानेपानि उपलब्ध गराउन नगरपालिका लाग्ने बताउनु भयो।
नेपाली कांग्रेस नगर सभापति हरिलाल पाण्डेले आम उपभोक्तालाई सहज हुने गरि सेवा प्रदान गर्नुपर्ने भन्दै यसलाई अझ शशक्त बनाउन आफ्नो पार्टीको तर्फबाट सक्दो सहयोग गर्ने प्रतिवद्धता जनाउनु भयो ।
नेकपा एमाले नगर उपाध्यक्ष नेत्र लाल वन खानेपानीसँगै सरसफाइ र ढलनिकासको समस्या तर्फ पनि ध्यान दिनुपर्ने बताउनु भयो ।
पश्चिम नेपाल बस व्यवसायी प्रा। लि का अध्यक्ष
दधिराम खरेलले खानेपानी भनेको जीवन भएको र यहाँको पानीलाई सहि सदुपयोग गर्न जरूरी रहेको बताउनु भयो । सबैको सहकार्यले यसलाई अझ उत्कृष्ट बनाउन जरूरी रहेको बताउनु भयो ।
नगरमा रहेका खानेपानीको महसुललाई एकरूपता दिन जरूरी रहेको बताउँदै विभिन्न विषयमा लाग्ने महसुललाई पनि एकरूपता दिएमा आम उपभोक्तालाई सहज हुने बताउनु भयो ।
खानेपानी तथा सरसफाइ महनसंघका अध्यक्ष धुर्व धितालले गुणस्तर, मात्रा, समानता र विश्वस्वस्नियतालाई सधै कायम राख्नुपर्ने बताउँदै उपभोक्तालाई पानी उपभोगबाट वञ्चित नगराउ आग्रह गर्नु भयो ।
सबै महिला पार्षदको प्रतिनिधित्व गर्दै पार्षद साबित्रा कडेलले स्वच्छ खानेपानी खान र खुवाउन पाएकोमा गर्वको महसुस भएको बताउनु भयो ।
साथै पुरूष पार्षदको प्रतिनिधित्व गर्दै पार्षद रमेश पराजुलि सामाजिक संस्था भएको र यसलाई जोगाउनका लागि सबै जुट्नु आवश्यक रहेको बताउनु भयो ।
शंकरनगर खानेपानी तथा उपभोक्ता सरसफाई संस्थाका अध्यक्ष झविन्द्र भण्डारी,
शंकनगर सामुदायिक वन का अध्यक्ष रविन्द्र वस्नेत,
जनमुक्त्ति पार्टि नगर अध्यक्ष राधिका सिरिस,
नेपाल कम्युनिष्ट पार्टि जिल्ला सदस्य खिमलाल पाण्डे, लगायतले शुभकामना मन्तव्य राख्नु भएको थियो । संस्थाका उपाध्यक्ष तामनाथ पाण्डेको स्वागत संगै
संस्थाका अध्यक्ष किसोर कुमार क्षेत्रीको अध्यक्षतामा भएको कार्यक्रममा संस्थाका व्यावस्थापक नवराज न्यौपानेले सञ्चालन गर्नु भएको थियो ।
