रातीको समयमा ठुलो आवाज गरेर मोटरसाईकल पड्काउदै ध्वनी प्रदुषण गर्ने, तिब्र गतिमा सवारी चलाउने, स्टण्ट गर्ने जस्ता जनस्तरबाट गुनासो आएपछि प्रहरी तातेको छ । ट्राफिक प्रहरीले स्वरुप परिवर्तन गर्ने मोटरसाईकललाई नियन्त्रणमा लिने र सवारी चालकलाई कारवाही अघि बढाएको छ । विहिबार दिउसो १ बजेपछि गरिएको विशेष अभियानमा १७ वटा स्वरुप परिवर्तन गरिएको मोटरसाईकल कारवाहीमा परेका छन । नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवल, रुपन्देही र ईलाका प्रहरी कार्यालय बुटवलले नगरको केही क्षेत्रमा विशेष सुचनाको आधारमा जाच गरेको हो ।।बुटवल उपमहानगर क्षेत्रमा विभिन्न कम्पनी मोटरसाईकलहरु स्वरुप परिवर्तन गरि साईलेन्सर पाईप फेरेर ठुलो आवाज आउने बनाउदै समुदायमा ध्वनी प्रदुषण गर्ने, सार्वजनिक सडकमा अत्याधिक तिब्र गतिमा चलाउने, सामाजिक संजालमा उश्रृङखल गतविधिहरु गरि स्टण्ट ।गरेको भिडियो अपलोड गर्नेलाई कारवाही थालेको नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवल, रुपन्देहीका प्रहरी उपरीक्षक श्याम बहादुर खत्रीले बताए । ‘हामी विशेष अभियान अघि बढाएका छौ । उनले भने । सवारी तथा यातायात ब्यवस्था ऐन २०४९ को दफा ३९ ९१० कसुर बमोजिम कारवाही गरिदै आएको उनले बताए । यस्तो किसिमको मोटरसाईकलहरुलाई यातायात ब्यवस्था कार्यालयबाट १० हजार रुपैयाका दरले जरिवाना गरि पुरानो स्वरुपमा परिवर्तन गराई सवारी धनीलाई जिम्मा दिने र साईलेन्सर पाईप, हेण्डल, स्टिकर, लाईट, सिट, लुकिङ ग्लास जस्ता स्वरुप परिवर्तन गरिएका सामग्री जफत गर्ने प्रावधान रहेको उनले बताए ।
विशेष गरि रोयल ईन्फिल्ड कम्पनीका बुलेट र क्रसफायर, डट मोटरसाईकलहरुमा कम्पनीबाट राखेको साईलेन्सर पाईप फेर्ने गरेको भेटिएको उनले बताए ।आर्थिक वर्ष २०८०र २०८१ मा यातायातबाट ६५ र आर्थिक वर्ष २०८१र२०८२ मा ६१ गरि कुल १२६ वटा मोटरसाईकल कारवाही गरिएको कार्यालयका सुचना अधिकारी प्रहरी नायव उपरीक्षक मधुसुधन न्यौपानले बताए । बुटवल क्षेत्रमा मोटरसाईकल स्टण्ट गरि सामाजिक संजालमा भिडियो अपलोड गर्ने ३ जनालाई नियन्त्रण लिई कारवाही गरि छोडिएको समेत उनले बताए । यसैगरि दुर्घटना न्युनिकरणका लागि नियमित मापसे जाच समेत चलिरहेको उनले बताए ।
