महिलामा हुने पाठेघरको मुखको क्यान्सर विरुद्धको खोप कार्यक्रममा नवलपुरका १८ हजार किशोरी लाभान्वित हुने अनुमान गरिएको छ।
नि .शुल्क प्रदान गरिने एच पि भी खोप कार्यक्रम लक्षित संख्यासम्म प्रभावकारी वनाउन प्रदेश जनस्वास्थ्य कार्यालय नवलपुरले आठै पालिकाबाट प्राप्त विवरण सहितको सुक्ष्म योजना प्रतिवेदन वमोजिम पूर्व तयारीका गतिविधिहरू चलाइरहेको कार्यालय प्रमुख सैलेन्द्रकुमार सिंहले बताएका छन्।
एच पि भी खोप अभियान २०८१ मा जिल्लाभर २ सय ३० विद्यालय सहित कुल ३ सय २० खोप केन्द्र रहनेछन् ति खोपकेन्द्रबाट १७ हजार ९९ छात्रा किशोरीलाई खोप लगाइने कार्यालयका सूचना अधिकारी जनस्वास्थ्य अधिकृत छविलाल सुवेदीले जानकारी दिए ।कक्षा ६ देखि १० सम्म सञ्चालित सबै विद्यालय र सबै स्वास्थ्य संस्था खोप केन्द्र रहने वताएका कार्यालयका जिल्ला खोप फोकल पर्सन खरेल प्रसाद चौधरीका अनुसार १७ हजार ९९ लक्षित संख्याका लागि १८ हजार ८ सय ३० भाएल खोप आठै पालिकामा वितरण हुने बताए ।पाठेघरको मुखमा हुने क्यान्सर विरुद्धको एच पि भी खोप नेपालसहित ४५ राष्ट्रमा प्रयोगमा ल्याइएको छ । पछिल्लो समय नेपालमा पनि महिलाको पाठेघरको मुखको क्यान्सर प्रमुख स्वास्थ्य समस्याका रूपमा देखा परेकाले रोग नियन्त्रणका लागि फलदायी हुने अपेक्षाका साथ नेपाल सरकारले यस वर्षदेखि देशब्यापी कार्यक्रम ल्याएको हो।
चाईनामा बनेको सिकोलिन ब्राण्डको एच पि भी खोप महिलाको बायाँ पाखुराको मांसपेशीमा सुईमार्फत दिईन्छ । आधा एमएलको सिंगल डोजको यो खोप एक पटक लगाए पछि लगाउनु पर्दैन ।खोप अभियान नवलपुरमा माघ २२ देखि फागुन छ गतेसम्म हुनेछ । गैडाकोट, देवचुली, बुलिङ्टार र वौदीकालीमा माघ २२ देखि २८ गतेसम्म हुनेछ भने कावासोती, मध्यविन्दु, हुप्सेकोट र विनयी त्रिवेणीमा माघ २८ देखी फागुन ६ गतेसम्म अभियान चल्ने स्वास्थ्य कार्यालयले जना
