निलगिरी चिल्ड्रेन्स ई। बो। स्कुलले ज्ञानकी देवी सरस्वतीको पूजाको शुभ अवसरमा विद्यालयको २५औँ वार्षिकोत्सव, अभिभावक दिवस तथा वार्षिक खेल सप्ताहको पुरस्कार वितरण कार्यक्रम सम्पन्न गरेको छ।  विद्यालय प्राङ्गणमा आयोजित यस कार्यक्रममा विद्यार्थी, शिक्षक, अभिभावक तथा विशिष्ट अतिथिहरूको उल्लेखनीय उपस्थिति रहेको थियो।
कार्यक्रमको प्रारम्भमा सरस्वती पूजाको विशेष धार्मिक समारोह सम्पन्न गरिएको थियो, जसमा विद्यार्थीहरू आशीर्वाद ग्रहण गर्न सहभागी भए ।
विद्यालयको २५औँ वार्षिकोत्सवका अवसरमा विद्यालयले विगत २५ वर्षको उपलब्धि र प्रगति विवरण प्रस्तुत गर्दै भावी योजनाहरूबारे जानकारी गराईएको थियो।
वार्षिक खेल सप्ताहको समापन गर्दै विभिन्न खेलकुद प्रतियोगितामा उत्कृष्ट प्रदर्शन गर्ने विद्यार्थीहरूलाई मेडल वितरण गरिएको थियो ।
कार्यक्रमका प्रमुख अतिथि विद्यालय व्यावस्थापन समितिका अध्यक्ष यादव प्रसाद अर्यालले विद्यार्थीहरुको सर्वाङ्गीण विकासका लागि खेलकुदको महत्वपूर्ण योगदान रहेको बताउनु भयो साथै विद्यालयलाई सफल आयोजनाका लागि बधाई दिनुभयो ।
खेलकुद, शैक्षिक गुणस्तर तथा विद्यार्थीहरूको बहुपक्षीय विकासमा विद्यालयको योगदानको प्रशंसा गर्दै निरन्तर यस्ता कार्यक्रमहरू आयोजना गर्नुपर्ने धारणा व्यक्त गर्नु भयो ।
विद्यालयका प्रधानाध्यापक मिना देउजा के।सी। ले विद्यालयको शैक्षिक तथा अतिरिक्त क्रियाकलापहरु आगामी दिनमा अझ परिस्कृत गर्दै लैजाने प्रतिबद्धता व्यक्त गर्नुभयो ।
अभिभावक दिवस पनि रहेकाले जहाँ विद्यार्थीहरूले आफ्ना अभिभावकहरूलाई समर्पित विभिन्न साँस्कृतिक प्रस्तुति दिएका थिए ।
विद्यालयका प्रधानाध्यापकले २५औँ वार्षिकोत्सवको अवसरमा विद्यालयको उपलब्धिहरूको चर्चा गर्दै आगामी दिनमा अझ उत्कृष्ट शिक्षण प्रणाली विकास गर्ने प्रतिबद्धता व्यक्त गरेको छ ।
कार्यक्रमको अन्त्यमा विद्यालय प्रशासनले सहभागी सम्पूर्ण विद्यार्थी, शिक्षक, अभिभावक तथा अतिथिहरूलाई धन्यवाद ज्ञापन गर्दै कार्यक्रम सफलतापूर्वक सम्पन्न भएको थियो ।