लुदस, जीतपुर
बाणगंगा नगरपालिकाको शैक्षिक अवस्था, भावि कार्य योजना तथा सुझाव संकलन सम्बन्धी बृहत शैक्षिक बहस कार्यक्रम शनिवार सिद्धार्थ क्याम्पसको सभाहलमा सम्पन्न भएको छ ।
संम्पन्न कार्यक्रममा नेपाल शिक्षक महासंघ जिल्ला उपाध्यक्ष सम्भु अधिकारीले राष्ट्रिय शिक्षा निति २०७६ र भावी कार्यदिशा सम्बन्धी कार्यदिशा, नेपाल राष्टिय शिक्षक संगठन जिल्ला अध्यक्ष रमेश पंन्थीले गुणस्तरिय शिक्षाको सुनिश्चितता : बाणगंगा नगरको पहल र भविष्य विषयको कार्यपत्र प्रस्तुत गरेका थिए । कार्यपत्रमा नगरभित्र रहेका विधालय , शैक्षिक स्तर, अवस्था विश्लेषण ,अवसर र विकासका उपायका विषयमा कार्यपत्र प्रस्तुत गरिएको थियो ।

त्यसैगरि बाणगंगा नगरपालिका योजना निर्माण समिति संयोजक कार्यदलका प्रमुख वाबुराम भट्टराईले पंञ्च वर्षिय रणनितिक शैक्षिक योजनाका विषयमा प्रकाश पारेका थिए । कार्यक्रममा सल्लाह सुझाव मन्तव्य व्यक्त गर्दै कार्यक्रमका प्रमुख अतिथि लुम्बिनी प्रदेश सांसद विष्णु पंन्थीले पछिल्लो समय बाणगंगा शैक्षिक हव बन्दै गएको र यसलाई अझ बेवस्थित र गुणस्तरिय बनाउनुपर्नेमा जोड दिएका थिए । लुम्बिनी प्रदेशमा रुपन्देहीको मणीग्राम पछी कपिलवस्तुको बाणगंगा नै बसाईसराईदर वृद्धि रहेको बताउदै अझै कपिलवस्तुबाट रुपन्देहीका बसले विधार्थी बोक्ने अवस्थाको अन्त्य गर्नुपर्नेमा जोड दिएका थिए । कार्यक्रममा विशिष्ट अतिथि बाणगंगा नगरपालिकाका मेयर चक्रपाणी अर्यालले नगरपालिकाबाट शिक्षा क्षेत्रमा परिवर्तनका लागि सक्दो प्रयास भएको बताएका थिए । अव नगरले मात्र नभएर समुदाय र शिक्षकहरु पनी गुणस्तरिय शिक्षा प्रदान गर्न प्रतिबद्ध भएर लाग्नुपर्नेमा उनको जोड रहेको थियो । त्यसैगरि नेपाल शिक्षक महासंघ कपिलवस्तुका अध्यक्ष गोविन्द पोख्रेलले कार्यपत्रमा विधालय छाड्ने दर समेटदै शिक्षा निति विधार्थी टिकाउने र पढ्ेको शिक्षा विकाउ हुने खालको बनाउनुपर्ने सुझाव दिएका थिए । बाणगंगा नगरपालिकाका प्रमुख प्रशासकीय अधिकृत भक्तिराम मरासिनी, शिक्षा विकास तथा समन्वय अधिकारी लोकनाथ मरासिनी , नेपाली कांग्रेस नगर सभापती विष्णु थापा लगाएतले मन्तव्य व्यक्र गरेका थिए । कार्यक्रम पुर्व तयारी सहित समान्य कार्यपत्रमा रहेपनी शैक्षिक बहस हुने खालको गाम्भिर्यता नदेखिएको र औपचारिकतामा सिमित रहेको सहभागिहरुको गुनासो रहेको थियो । कार्यक्रममा आगामी कार्यदिशामा निजि क्षेत्रको बोझिलो शिक्षा सामाग्री, वर्षेनी फेरिने पाठ्यक्रम,र मनलाग्दि शैक्षिक शुल्क बृद्धिदर हटाउने विषय समेत नसमेटिएको धेरैको गुनासो रहेको थियो ।