काठमाडौंको तीनकुनेमा राजादी प्रदर्शनकारीले सुरक्षाकर्मीले अश्रुग्यास प्रहार गर्न बोकेको बन्दुक खोसेका छन् ।
राजावादी प्रदर्शन उग्र बनेपछि भीड नियन्त्रणमा लिन प्रहरीले अश्रुग्यास प्रहार गर्न बोकेको बन्दुक खोसेका हुन् ।
प्रदर्शन र सभा बिथोलिएको केहीबेरमा तीनकुनेस्थित एक घरमा राजावादीले आगजनी गरेका छन् ।
आगो निभाउन पुगेको दमकलमाथि प्रदर्शनकारीले ढुंगामुढा गरेका छन् । अहिले तीनकुने क्षेत्र तनावग्रस्त बनेको छ ।
उपत्यका प्रहरी कार्यालय रानीपोखरीका एसएसपी शेखर खनालले तीनकुनेको स्थिति नियन्त्रणको प्रयास भइरहेको बताए ।
प्रदर्शनकारीले अन्नपूर्ण पोस्ट् र कान्तिपुरको कार्यालयमा पनि आक्रमण गरेका छन् । त्यसक्रममा एकजनालाई गोली लागेको खबर आएको छ ।
प्रदर्शनकारीको आक्रमणमा सशस्त्र प्रहरीकी एक जवानको टाउको फुटेको छ । अहिले पनि तनाव भएकाले क्षतिको सबै विवरण आइसकेको छैन ।
