सँगिनी महिला बचत तथा ऋण सहकारी संस्था लि को आयोजना देवदह नगरपालिकाको सहयोगमा देवदह नगरपालिका वडा नं ६ शिवालय टोलमा ५ दिने नेतृत्व बिकास तथा उद्घोषण तालिम आज बाट सुरु भएको छ। सँगिनी महिला बचत तथा ऋण सहकारी संस्थाका अध्यक्ष ज्ञान कुमारी खडाल को अध्यक्षता देवदह नगरपालिका वडा नं ६ का अध्यक्ष खेम बहादुर थापाको प्रमुख आतिथ्यतामा कार्यक्रम सुरु भएको हो। कार्यक्रममा बोल्दै वडा नं ६ का वडा अध्यक्ष खेम बहादुर थापाले यस तालिम पछि सबै महिला दिदीबहिनीहरु समाजमा नेतृत्व गर्ने गरी तयार हुन आग्रह गर्नुभयो।शिवालय टोल विकास संस्थाकाअध्यक्ष गणेश बस्याल र शिवालय सामुदायिक वन उपभोक्ता समूहका अध्यक्ष राम चन्द्र पौडेलले तालिमले महिलाहरुको नेतृत्व विकासमा महत्त्वपूर्ण सहयोग पुग्ने बताउनुभयो । संस्थाका अध्यक्ष ज्ञान कुमारी खडालले तालिम बारे प्रकाश पार्नुभएको थियो।संस्थाका उपाध्यक्ष लक्ष्मी सुनारले स्वागत गर्नु भएको कार्यक्रमको सञ्चालन संस्थाका व्यवस्थापक ससिकला पौडेलले गर्नु भएको थियो। तालिमको सहजीकरण लुम्बिनी मीडिया हब का प्रमुख प्रकाश गौतमले गर्नु भएको छ।