सुनसरीस्थित सप्तकोशीमा नुहाउने क्रममा दुई जना बेपत्ता भएका छन्।सोमबार बिहान साढे ८ बजे बराहक्षेत्र नगरपालिका(१ बराहक्षेत्र मन्दिरस्थित सप्तकोशीमा नुहाउने क्रममा डुबेर दुई जना बेपत्ता भएका हुन्।उनीहरूको खोजी गर्न सशस्त्र प्रहरीको गोताखोर परिचालन भएको सहप्रवक्ता एवं डिएसपी शैलेन्द्र थापाले जानकारी दिए।उनका अनुसार बेपत्ता हुनेमा खोटाङको केपिलासगढी गाउँपालिका–४ बस्ने ४० वर्षीय नवराज बाँस्तोला र सुनसरीको इटहरी नगरपालिका–१६ बस्ने १६ वर्षीय जेनिश आचार्य छन्।उनीहरूको सशस्त्र प्रहरी बल नेपाल सुरक्षा बेश चतराबाट सुरक्षाफौज खटिएर खोजी गरिरहेको थियो। तर फेला नपरेपछि सशस्त्र प्रहरी बल नेपाल नम्बर १ बराह बाहिनी मुख्यालय सुनसरीबाट सशस्त्र प्रहरी निरीक्षकको कमाण्डमा ५ जना गोताखोर सहितको टोली खटिएको हो। गोताखोरको टोलीले दुई जनाको खोजी गरिरहेको छ।