भारतको जम्मु–कश्मीरस्थित पहलगाममा भएको भीषण आतंकवादी आक्रमणमा परी रुपन्देहीका सुदीप न्यौपानेको मृत्यु भएको छ। उक्त जानकारी नेपाल सरकारका गृहमन्त्री रमेश लेखकले दिएका हुन्।
नेपालमै इन्जिनियरिङ अध्ययनरत सुदीप आमा–बुबासँग घुम्न गएका बेला उनी आतंकवादीको गोलीको निशाना बनेका हुन्। मन्त्री लेखकका अनुसार उनी पहलगामको बैसारन क्षेत्रमा आक्रमणको शिकार बने।
मंगलबार भएको यस आतङ्कवादी आक्रमणमा कम्तीमा २६ जनाको ज्यान गएको भारतीय सञ्चारमाध्यमहरुले जनाएका छन्।
यो दुस्खद घटनाले नेपाली समुदायमा शोक र आक्रोशको वातावरण सृजना भएको छ।
प्रकाशित : २०८२ बैशाख १०, बुधबार १३:३९
