लुदस, तौलिहवा

कपिलवस्तुको सदरमुकाम तौलिहवामा आयोजक विच नै विवाद देखिएको छ । विवादकै विच महोत्सव उद्घाटन गरिएको छ ।
तौलिहवा उद्योग बाणिज्य संघले आयोजना गरेको मेलामा बिबाद देखिएको छ । अघिल्ला बर्षहरुको मेलाको आय व्यय सार्वजनिक नगरिएको र मेला सञ्चालन अपारदर्शी रहेको भन्दै संघका उपाध्यक्ष अजय कुमार कसौधन, महासचिव देवेश जयसवाल र सचिव बासुदेव वर्मा (अजय) ले महोत्सव आयोजनाको प्रक्रियामा बिरोध जनाएका थिए ।
महोत्सव आयोजनामा आन्तरिक बिवाद भएको देखिए पछि प्रमुख अतिथीका रुपमा आमन्त्रित गरिएका पुर्वमन्त्री तथा भारतका लागि पुर्व नेपाली राजदुत दिप कुमार उपाध्यायले स्वास्थ्यमा समस्या आएकाले कार्यक्रममा उपस्थित हुन नसक्ने जानकारी दिएर कार्यक्रममा सहभागी नभएको खुल्न आएको छ । उपाध्याय कार्यक्रममा सहभागी नभए पछि प्रदेशसभा सदस्य पाण्डेयलाई प्रमुख अतिथी बनाएर कार्यक्रम अगाडी बढाउने योजना आयोजकले तयार पारेका थिए । महोत्सव उदघाटनमा सहभागी अधिकांसले आन्तरिक बिवाद समाधान गरेर महोत्सव सफल बनाउन आयोजकलाई सुझाव सल्लाह दिएका थिए । यतिवेला प्राचिन कपिलवस्तु महोत्सव औपचारिकतामै सिमित हुने देखिन्छ । त्यतिमात्र होईन कपिलवस्तुको पहिचान गुम्ने र महोत्सवको छवि नै गुम्ने खतरा रहेको स्थानीय व्यापारीहरु बताउछन् । महोत्सवको नाममा छाडा संस्कृति भित्राउने गरेको विगतमा गुनासो बढ्दै आएको थियो । यसपाली स्थानीय व्यापारीहरुलाई नै आयोजकले व्यवास्ता गरेको बताउछन् ।