पहिरोका कारण अवरुद्ध भएको बीपी राजमार्ग पुनः सञ्चालनमा आएको छ। जिल्लाको रोशी गाउँपालिका–१२ स्थित माम्ती क्षेत्रमा सोमबार राति आएको बाढीले डाइभर्सन बगाएपछि राजमार्ग अवरुद्ध भएको थियो। रातभरको प्रयासपछि आज ९मंगलबार० दिउँसो १ बजेदेखि सडक दुईतर्फी रूपमा खुला गरिएको जिल्ला प्रहरी कार्यालय काभ्रेका डीएसपी मीनबहादुर घलेले जानकारी दिए।

प्रहरीका अनुसार रातीको बाढीले मंगलटारतर्फको सडक समेत बगाएको कारण तत्काल यातायात सञ्चालनमा ल्याउन कठिनाइ भएको थियो उक्त स्थानमा गत वर्ष असोजमा आएको बाढीले पनि राजमार्ग बगाएको थियो, जसपछि अस्थायी डाइभर्सन निर्माण गरिएको थियो। यही डाइभर्सन यसपटकको बाढीले फेरि बगाएको हो। हाल डाइभर्सन मर्मत गरी सडक खुलाइएको भए पनि स्थायी समाधान आवश्यक रहेको स्थानीय तहले जनाएका छन्।