लुदस
कपिलवस्तु नगरपालिकाले चालु आ.ब.को लागि नगरपालिका अर्न्तरगतको सगरहवा देखि तिलौरीघाट सम्मको ठेक्कामा ठेकेदारले लुटको सामाज्य नै खडा गरेका छन् । समयमाता निर्माण सेवाको नाममा रहेको सो नदि निकासीमा ठेकेदारले तोकेको मौज्दात भन्दा ५ गुना बढी नदिजन्य पदार्थ निकासी गर्दा समेत अझै बन्द गर्न तर्फ ठेक्का लगाउने निकाय अग्रसर छैन् ।
ठेकेदारले ठेलीका ठेली नक्कली रसिद प्रयोग गरि मापदण्ड छलि मात्र होईन राजश्व समेत छली गर्दै आएको छ । नगरले तोकेको परिणाम छलि गर्न ठेकेदारले शुरुवातदेखि नै लुट मच्याएका हुन् ।
माथीको तस्विरमा हेर्नुहोस
श्री समय माता निर्माण सेवा मिति ०१ /०७ मा ६५१ नं उल्लेख गरिएको ठेलीबाट रसिद लु ४ त ३१८६ नं को ट्ेक्टरलाई १३ सय रुपैयाँमा विक्रि गर्दछन् । पुन सोही नं को अर्को नक्कली रसिद ०१/०८ गते अर्थात लु ४ त ९००० नं को ट्क्टरलाई विक्रि गरेको छ । यसमा दैनिक जसो ठेलीका ठेली नक्कली रसिद प्रयोग गरि ट्याक्टर व्यवसायी सहितको मिलेमत्तोमा नदिजन्य पदार्थ छलि भएको हो । त्यतिमात्र होईन ५५१ नं को यो ठेली हेनुहोस समय माता निर्माण सेवाको लुट धन्दा त्यतिमै सिमित कहाँ छ र ? प्रदेश र स्थानीय तहले यसवर्ष नदिजन्य पदार्थ कार्यविधिमा डम्पिङ्ग गरि नापजाँच गरेर मात्र बाहिर निकाल्ने प्रावधान बताएको छ । तर उक्त ठेकेदारले परिणाम छलि गर्न सोझै नदिबाट सप्लायर्सहरुमा सोहि नक्कली रसिद ठमाएर विक्रि गरिरहेका छन् ।
यसमा नजीकका सप्लायर्स र वालुवा प्रशोधन केन्द्रको समेत लगानी देखिन्छ जसबाट यि विक्रि केन्द्र सप्लासर्य पिच्चे एउटै नं का नक्कली रसिदको प्रयोग गरि शुरुवातदेखि नै कारोबार भैरहेको देखिन्छ ।
त्यस क्षेत्रमा सवैभन्दा अगाडी ठेक्का लगाएको नाका भएको हुदाँ सो नाकामा शुरुमा ट्याक्टरहरुको चाप एकदमै तिब्र रहेको छ । दैनिकजसो करिव ७ सय देखि ११ सय सम्म ट्रयाक्टरको चाप रहेको र एउटा ट्रयाक्टरले थोरैमा ७ देखि १५ ट्रिप समेत गर्ने गरेको स्वयम ट्रक्टर चालक बताउछन् ।
वालुवा प्रशोधन उद्योग तथा नजिकका सप्लायर्सहरुका संचालकहरुले आफुहरुले रोयल्टी रसिद काटेर खरिद गरि नदीजन्य पर्दाथ संकलन, प्रशोधन र उत्पादन गरेको बताउछन् ।
यता अर्को तर्फ खुकुलो निति तथा प्रक्रियाको फाइदा उठाउदै जगदिशपुर ताल वरपर र तिलौराकोट क्षेत्र आसपासमा करिव ३ दर्जन भन्दा बढि नदीजन्य पर्दाथ विक्री केन्द्र तथा प्रशोधन उद्योग संचालनमा रहेका छन् ।
ठेक्का सम्झौतामा तोकिएको परिमाण सकिएपनि ठेकेदारले स्टक जोगाउन ठेलीका ठेली नक्कली बिल प्रयोग गरिरहेको भेटिएको हो । समयमाता निर्माण सेवा ले नक्कली बिल प्रयोग गरि राजश्व तथा स्टक दुबै चोरी गरिरहेका छन् । जिल्लाका अधिकांश नाकामा नक्कली बिल प्रयोग गरि स्टक जोगाउने अवैध कार्य जारी रहेको भन्दै तत्काल ठेक्कामा उचित छानविन गर्न सरोकारवालाले नगरपालिका संग आग्रह गरेका छन् । यसरी नदिजन्य पदार्थको चरम दोहनले स्थानिय आजित बनेका छन् । स्थानियबासीले ठेक्का तत्काल रोक्न माग गर्दै आक्रोशित भएका हुन । उनिहरुले नगरका जिम्मेवार व्यक्तिहरुकै मिलेमत्तोमा ठेक्कामा मनपरि बढ्ेको समेत आरोप लगाएका थिए । यस अगाडी नदिनालामा बेथिति मच्चिएको भन्दै नियन्त्रण गर्न राष्ट्रिय जनमोर्चाले समेत प्रमुख जिल्ला अधिकारी दिल कुमार तामाङ्ग लाई ज्ञापन पत्र बुझाउदै नगरलाई बोद्धार्थ दिएका थिए । यसलाई तत्काल अख्तियार दुरुपयोग अनुशन्धान कार्यालय र राजश्व कार्यालयले नियन्त्रण गरि कार्बाहि गर्न जरुरी छ ।
स्थानियबासीले नदिको बम्रलुट, कोलाहल र खेतियोग्य जमिनमा समेत धुलोधुवा प्रदुषण र खानेपानीको नलहरु सुक्न थालेको भन्दै बरु विकास नचाहिने तर यो तत्कल रोक्नुपर्ने आवाज उठाएका छन् ।
राजनितिक दल, नागरिक समाज, उपभोक्ता हक हित संरक्षण मञ्चले पनि यस विषयमा आवश्यक कदम चाल्न जरुरी छ । नगरपालिका र जिल्ला अनुगमन समन्वय समिति कपिलवस्तुले यसबारे तथ्यपूणर् अनुगमन तथा अनुसन्धान गरि प्रतिवेदन तयार पारि ठेक्का बन्द गराउन र ग्रैहकानुनी कार्य गर्ने ठेकेदारलाई कार्वाहि गर्ने तर्फ कहिले ध्यान जाला ? त्यो भने हेर्न बाँकी नै छ
