पर्सा प्रहरीले ठूलो परिमाणमा चरेस बरामद गर्दै एक जनालाई पक्राउ गरेको छ। परवानीपुरबाट वीरगन्जस्थित सुक्खा बन्दरगाह हुँदै भारततर्फ लैजान लागिएको करिब ३१७ किलो चरेस प्रहरीले बरामद गरेको हो।
प्रदेश २–०३–००१ ख ६३४८ नम्बरको ट्रकबाट बरामद गरिएको चरेससहित ट्रकका चालक मकवानपुरको थाहा नगरपालिका–१२ निवासी ३६ वर्षीय बुद्धिबहादुर स्याङ्तानलाई प्रहरीले नियन्त्रणमा लिएको छ।
प्रहरीका अनुसार, पक्राउ परेका स्याङ्तानको साथबाट थप एक लाख ९२ हजार रुपैयाँ नगद पनि बरामद गरिएको छ। बरामद चरेस र रकमसहित घटनाबारे थप अनुसन्धान भइरहेको पर्सा प्रहरीले जनाएको छ।
प्रकाशित : २०८२ असार १२, बिहीबार ११:२७
