लुदस, जीतपुर
एसईई २०८१ को नतिजा सार्वजनिक भएसँगै कपिलवस्तुको ज्ञानपुञ्ज बोर्डिङ्ग स्कुल, राजपुरले देशकै शिर्ष स्थानमा आफुलाई उभ्याएको छ । विद्यालयले दिएको जानकारी अनुसार ४ जना विद्यार्थीले ४.०० जिपिए सहित प्रतिशतका आधारमा ज्ञानपुन्ज देशमै प्रथम भएको दावी गरेका छन् ।
यसका अतिरिक्त, २१ जना विद्यार्थीले ३.६० देखि ३.९६ जि.पि.ए तथा ३ जनाले ३.२१ देखि ३.५९ जिपिए प्राप्त गरेका छन्। विद्यालयबाट यस वर्ष जम्मा २८ जना विद्यार्थी एसईई परीक्षामा सहभागी भएका थिए।
विद्यालयका प्रधानाध्यापक सुरेन्द्र पाण्डेका अनुसार, देशभर ४ जिपिए ल्याउने विद्यार्थीहरूमध्ये १४ प्रतिशत विद्यार्थी ज्ञानपुञ्जकै मात्र भएको आँकडाले देखाए अनुसार आफुहरु प्रतिशतका आधारमा देशमै प्रथम भएको दावि गरे । यो प्रतिशतले देशभरका विद्यालयहरूमा ज्ञानपुञ्जलाई अग्रपंक्तिमा उभ्याएको छ ।
पाण्डेले भने, “शिक्षा, अनुशासन र सामूहिक प्रतिबद्धताको उत्कृष्ट फल आजको यो नतिजा हो।” साथै उनले सम्पूर्ण अभिभावक, शिक्षक, कर्मचारी, व्यवस्थापन समिति, सञ्चालक तथा शुभेच्छुकहरूप्रति हार्दिक आभार व्यक्त गरे ।
