लुदस, कपिलवस्तु
राष्ट्रिय युवा संघ नेपाल कपिलवस्तु जिल्ला कमिटीको तेस्रो पूर्ण बैठक बुद्धभूमि नगरपालिकास्थित गौतम बुद्ध बहुमुखी क्याम्पसमा सम्पन्न भएको छ। बैठक संघका जिल्ला अध्यक्ष तिलक गिरीको अध्यक्षता तथा नेकपा एमाले कपिलवस्तुका जिल्ला अध्यक्ष बाबुराम खनालको प्रमुख आतिथ्यतामा सम्पन्न भएको हो।
बैठकमा जिल्लास्तरीय संगठन सुदृढीकरण, आगामी कार्यक्रमहरूको रणनीति निर्माण, युवा परिचालन तथा समसामयिक राजनीतिक विषयमा विस्तृत छलफल गरिएको थियो।
प्रमुख अतिथि खनालले बैठकमा बोल्दै युवाहरूले राष्ट्र निर्माणमा अग्रणी भूमिका खेल्नुपर्ने बताए। उनले राष्ट्रिय युवा संघलाई संगठनात्मक रुपमा अझ सबल र प्रभावशाली बनाउने दिशामा लाग्नुपर्नेमा जोड दिए।
बैठकले विभिन्न महत्वपूर्ण निर्णयहरू गर्दै संघको भावी कार्ययोजनालाई सशक्त बनाउने प्रतिबद्धता जनाएको छ। अध्यक्ष तिलक गिरीले युवा संघ कपिलवस्तुले जिल्लामा सक्रिय भूमिका खेल्दै आएको उल्लेख गर्दै आगामी दिनमा अझ परिणाममुखी काम गर्ने प्रतिवद्धता जनाए।
