लुदस, कोपवा

नुहाउने क्रममा डुवेर हिजो बाणगंगा ५ कोपवाका दुई बालकको आज लक्ष्मणघाटमा अन्तेष्टि गरिएको छ ।
कपिलवस्तु नगरपालिका वडा नम्बर १० स्थित बिकुली घोलामा डुबेर मृत्यु भएका वालकको आज पिपरा अस्पतालमा पोष्ट मार्टमपछी अन्तेष्टि गरिएको हो । बिहिबार छ बजेतिर नुहाउन गएका दुईजनाको घोलामा डुबेर मृत्यु भएको थियो । मृत्यु हुनेमा बाणगंगा नगरपालिका वार्ड नं ५ कोपवाका दीपक चौधरीका ११ वर्षीय छोरा वापस चौधरी तथा प्रेम चौधरीका १० वर्षीय छोरा निशान चौधरी रहेको जनाईएको छ । कलिला वालकको कहालिलाग्दो निधनले गाउँ नै शोकमा डुबेको राम मिलन थारुले बताए । उनले कोपवा गाउँ हिजोदेखि अधिकांश घरमा खाना नै नपाकेको बताए ।उनीहरु अन्नपुर्ण विद्या मन्दिर कोपवामा कक्षा ३ मा अध्यनरत थिए । आज रिजल्टको दिन आफ्‌ना जेहेन्दार विद्यार्थीको असमायिक निधनले निकै दु .खि बनाएको भन्दै आईतवार शोक विदा दिने विद्यालयका शिक्षक कोपिल घिमिरेले बताए । स्थानीय राम मिलन चौधरीले वर्षेनी वालवालिका डुवेर मर्ने घट्नाले गाउँ विक्षिप्त बनाएको बताए । गत वर्षपनी छिमेकि गाउँका वालकको डुबेर ज्यान गएको बताए । वालवालिकालाई पौडि खेल्न सक्ने क्षमताको विकास गर्नुपर्ने उनको सुझाव छ ।