हरि आचार्य, कपिलवस्तु
नेकपा (एमाले) का केन्द्रिय सदस्य तथा कपिलवस्तु ईन्चार्ज गिरधारीलाल न्यौपानेले बदलिँदो परिस्थिति अनुसार पार्टी गतिविधिहरूलाई समय सापेक्ष रूपमा अघि बढाउनुका साथै सूचना, प्रविधि र सञ्चार क्षेत्रको प्रभावकारी प्रयोगमा जोड दिनुपर्ने बताउनुभएको छ । एमाले जिल्ला कमिटी कपिलवस्तुको शिवराज नगरपालिका–५, चन्द्रौटामा सम्पन्न तेस्रो पूर्ण बैठकलाई सम्बोधन गर्दै ईन्चार्ज न्यौपानेले १४ वटा एजेन्डामा छलफल गरी पारित महत्वपूर्ण निर्णयहरू पुर्ण रुपमा लागु गर्न जिल्ला कमिटीलाई निर्देशन दिनुभयो ।
दोस्रो विधान अधिवेशनको लागि संशोधन प्रस्ताव टोल टोलमा लगेर सुझाव संकलन गरि केन्द्रमा पठाउनु पर्ने भयकाले सम्बन्धित कमिटीले समयमै यो कार्य सम्पन्न गर्न आग्रह गर्नुभयो , हालै सम्पन्न पार्टीको केन्द्रीय कमिटीको बैठकले गरेका निर्णय हरुलाइ सर्वसम्मत रुपमा कार्यान्वयन गर्ने निर्णय गरेकोमा जिल्ला कमिटीलाई धन्यवाद व्यक्त गर्नुभयो ।
पार्टीका केन्द्रिय सदस्य समेत रहनुभएका नेता न्यौपानेले पार्टि प्रति जुन रुपले आक्रमण भइरहेको छ त्यसको प्रतिवाद गर्नका लागि सम्पुर्ण नेता कार्यकर्ता एकजुट हुनुपर्नेमा जोड दिंदै एमाले लटरम्म फलेको बिरुवा भएकाले सबैले यसलाइ झटारो हान्ने र कमजोर गराउने प्रपञ्च गरिरहेकाले यसको प्रतिवाद हामी सबै मिलेर गर्नुपर्ने बताउनु भयो ।
बैठकमा नेकपा ९एमाले० केन्द्रीय सदस्य शुशिलकुमार श्रीवास्तव, लुम्बिनी प्रदेश कमिटी अध्यक्ष राधाकृष्ण कडेल लेखा आयोगका उपाध्यक्ष विष्णु पन्थी, निर्वाचन आयोग सदस्य झविलाल पोखरेल, केन्द्रीय सल्लाहकार तथा प्रदेश सचिवालय सदस्यहरू लगायतको आतिथ्यता रहेको थियो बैठक अध्यक्षता जिल्ला अध्यक्ष बाबुराम खनालले गर्नुभयको थियो भने कार्यक्रम सञ्चालन जिल्ला सचिव सि वि गहतराजले गर्नुभयको थियो ।
