लुदस , जीतपुर
कपिलवस्तुको वाणगंगा नगरपालिका–१ मा चिया साथीको उद्घाटन अन्तिम तयारी भएको छ । उदघाटन संघारमा आईपुग्दा चिया साथीको व्यवस्थापनलाई निकै व्यवस्थित पारिएको जनाईएको छ ।आत्मीयताको सन्देश बोकेको नयाँ क्याफे “चिया साथी” अब सर्वसाधारणका लागि संचालनमा आउन लागेको छ । सोमबार, यस क्षेत्रका सफल युवा समाजसेवी तथा व्यवसायी आशिष शर्माको विशेष उपस्थितिमा क्याफेको भव्य उद्घाटन हुने भएको छ।

यो क्याफे केवल चिया–कफीको स्वाद मात्र होइन, मित्रता, आत्मीयता र सामाजिक सद्भावको गहिरो स्वाद पनि पस्कने छ । यसको परिकल्पना गरेका छन् – समाजसेवी र युवा आइकन तिलकराम (टीआर) पाण्डेले। सामाजिक तथा राजनीतिक क्षेत्रका लागि निरन्तर क्रियाशील पाण्डेले यसपटक व्यवसायमार्फत समाजमा सकारात्मक परिवर्तन ल्याउने सपना देखेका छन्।

यो केवल क्याफे होइन, सम्बन्ध गाँस्ने र सद्भाव साट्ने थलो हो, पाण्डे भन्छन्। उनका अनुसार, चिया साथी केवल उद्यमशीलता हैन, आत्मीयता र सामाजिक समरसता संस्थागत गर्ने एउटा प्रयास हो।

विगत केही वर्षदेखि वाणगंगा क्षेत्रका युवाहरूले आफ्नै शहरमा यस्तो स्थानको अभाव महसुस गर्दै आएका थिए – जहाँ दिनभरको व्यस्त जीवनशैलीबाट केही बेर विश्राम लिई सँगै बसेर कुरा गर्न सकियोस्, मुस्कान साट्न सकियोस् पाण्डेले भने । “चिया साथी” त्यही आवश्यकतालाई आत्मसात गर्दै जन्मिएको अवधारणा हो। यहाँ केवल स्वादिष्ट पेय होइन, आत्मीय परिवेश पनि पस्किने तयारी गरिएको छ – जहाँ परिवार, साथीसङ्गी वा व्यावसायिक भेटघाट समान सहजता र अपनत्वमा सम्पन्न होस्।

सामान्य चिया पसलभन्दा भिन्न ढंगमा सजिएको क्याफेमा स्थानीय स्वादलाई प्राथमिकता दिइने छ। क्याफेको भित्री सजावटदेखि मेनु सम्म, सबैमा मौलिकता र सादगीको समिश्रण देख्न सकिन्छ – जुन यहाँको सांस्कृतिक पहिचानसँग मेल खान्छ।

हामी व्यापारमा नाफा मात्र होइन, सम्बन्धमा माया खोज्छौं पाण्डे मुस्कुराउँदै भन्छन्। पाण्डेका अनुसार, “चिया साथी” एक यस्तो थलो हो – जहाँ हरेक उमेर, वर्ग र पेसाका मानिसहरू आपसमा आत्मीयता साट्न सकून्।

उद्घाटन समारोहमा युवा समाजसेवी तथा व्यवसायी आशिष शर्माको उपस्थितिले यो क्याफेलाई थप हौसला र प्रेरणा दिने विश्वास गरिएको छ। शर्मा स्वयं पनि कपिलवस्तु जिल्लामा सफल उद्यमीका साथै युवाबीच प्रेरणाका पात्र मानिन्छन्। “चिया साथी” अब कफी मात्र होइन, कथा साट्ने, मित्रता गाँस्ने र शहरमा नयाँ ऊर्जा ल्याउने थलो बन्ने दिशामा अग्रसर छ।

समाजसेवी तथा सफल व्यवसायी आशिष शर्माको व्यवसायीक कार्य अनुभव

एसियन इन्स्टिच्युट अफ टेक्नोलोजी (एआटी) बाट एमबीए गरेका छन् शर्माले । शर्मासँग वित्तीय सेवा सहित विभिन्न क्षेत्रहरूमा व्यवसाय इकाई प्रमुखको रूपमा १४ वर्ष भन्दा बढीको कार्य गरेको अनुभव रहेको छ । यस्तै चौधरी समूको वित्तीय शीर्षकमा वरिष्ठ महाप्रबन्धकको रूपमा कार्य गरेको पनि अनुभव शर्मासँग रहेको छ । शर्माले कार्यकारी सदस्यको रुपमा उद्योग समिति, नेपाल चेम्बर अफ कमर्श र महासंघमा काम गरेका छन् ।बबकष्कज कजबचबmब.वउन

नेपाल व्यवस्थापन संघमा सदस्यको रुपमा र विभिन्न कम्पनीको बोर्डमा सेवा र सञ्चालकको जिम्मेवारी सम्हालेको अनुभवी युवा हुन् शर्मा । शर्मा हिमालयन बैंक लिमिटेडको निर्देशकको रुपमा काम गरेको अनुभव छ । शर्माले अध्यक्ष युनाइटेड इन्स्योरेन्स कम्पनी (नेपाल) लिमिटेडस् इजाजतपत्र प्राप्त एक अग्रणी सामान्य बीमा कम्पनी र नेपाल बीमा नियामक बिमा समितिमा रही कार्य गरेका छन् ।

शर्माले बोर्डमा निर्देशकको रूपमा नबिल बैंक लिमिटेड, एक अग्रणी वर्ग ‘क’ वाणिज्य बैंकमा समेत काम गरेको अनुभव छ । नेपाल राष्ट्र बैंक, नेपाल केन्द्रीय बैंक द्वारा नेपाल इजाजतपत्र र नियमन युनाइटेड फाइनान्स कम्पनी लिमिटेडमा सञ्चालकको रूपमा कार्य गरेको अनुभव छ । शर्मा हिमालयन बैंकका बोर्ड मेम्बर पनि हुन् । शर्माले कपिलवस्तु जिल्लामा २५ करोड लागतमा नेपालकै पहिलो परिमार्जित वातावरण कोल्ड स्टोर बुद्धभूमिमा संचालन गर्दै आएका छन् ।